’’پٹھان‘‘ نے 1 ہزار کروڑ کما کر نیا ریکارڈ قائم کر دیا
بھارتی فلم انڈسٹری کے کنگ خان کی نئی فلم ’’پٹھان‘‘ کی دنیا بھر میں کامیابیوں کا سلسلہ جاری ہے، فلم نے اب تک 1 ہزار کروڑ کما کرنیا ریکارڈ قائم کر دیا ہے، پٹھان پہلی بھارتی فلم ہے جس نے ایک ہزار کروڑ روپے کا بزنس کیا ہے۔یش راج فلمز کی جانب سے سوشل میڈیا پر یہ اعلان سامنے آیا کہ پٹھان نے دنیا بھر سے ایک ہزار کروڑ انڈین روپے کما لیے ہیں، ایکشن اور تھرلر سے بھرپور اس ہندی فلم نے بھارت سے اپنی ریلیز کے پہلے ہی ہفتے میں 500 کروڑ کمائے جبکہ ریلیز کے چوتھے ہفتے میں بھارت سمیت دنیا بھر سے 1 ہزار کروڑ کما کر پٹھان نے گزشتہ تمام ہندی فلموں کے ریکارڈ تور دیئے ہیں۔
پٹھان ریلیز کے پہلے مرحلے اور چوتھے ہفتے میں 1 ہزار کروڑ کا بزنس کرنے والی پہلی ہندی فلم کا اعزاز بھی اپنے نام کر چکی ہے۔ یاد رہے کہ باکس آفس پر دھوم مچانے والی فلم پٹھان رواں سال 25 جنوری کو ریلیز ہوئی تھی فلم میں شاہ رُخ خان، اسٹائل کوئین ڈیپیکا پڈوکون اور جان ابراہم سمیت سلمان خان نے بھی کیمیو رول ادا کیا تھا۔
خیال رہے کہ سال کے وقفے کے بعد اسکرین پر جلوہ گر ہونے والے شاہ رُخ خان کی دو اور بڑی فلمیں جوان اور ڈنکی بھی جلد سنیما گھروں کی زینت بنیں گی، اپنی ریلیز کے چوتھے ہفتے بھی ’پٹھان‘ کی انڈیا سمیت دنیا بھر کے باکس آفس پر دھوم جاری ہے۔ یش راج فلمز کی جانب سے سماجی رابطوں کی ویب سائٹ ٹوئٹر پر اعلان کیا گیا کہ ’پٹھان نے دنیا بھر سے ایک ہزار کروڑ انڈین روپے کما لیے ہیں، پٹھان ریلیز کے پہلے مرحلے میں یہ اعزاز حاصل کرنے والی پہلی ہندی فلم بن گئی ہے۔
دوسری جانب باکس آفس کے تجزیہ کار ترن آدرش نے اپنی ٹویٹ میں بتایا کہ پٹھان‘ نے انڈیا بھر سے 500 کروڑ کما لیے ہیں۔ایکشن اور تھرلر سے بھرپور یہ پہلی ہندی فلم ہے، اس کے علاوہ ’پٹھان‘ تیز ترین 500 کروڑ روپے کمانے والی بھی پہلی فلم بن گئی ہے، ان تمام کامیابیوں کے بعد ’پٹھان‘ کی نظریں 2017 میں ریلیز ہونے والی تیلگو فلم ’باہو بلی 2‘ کے باکس آفس کے ریکارڈ کو توڑنے پر مرکوز ہیں۔باہو بلی 2 نے انڈیا بھر سے 510 کروڑ انڈین روپے کا کاروبار کیا تھا۔ شاہ رخ خان کی فلم کو یہ ریکارڈ توڑنے کے لیے صرف مزید 10 کروڑ درکار ہیں۔خیال رہے ’پٹھان‘ نے 25 جنوری کو اپنی ریلیز کے پہلے دن انڈیا بھر سے 57 کروڑ انڈین روپے کا کاروبار کر کے نیا ریکارڈ قائم کر لیا تھا۔
شاہ رخ خان، دیپکا پاڈوکون اور جان ابراہام کی یہ فلم یش راج فلمز کے ’سپائے یونیورس‘ کی فلموں کی کڑی ہے جس میں سلمان خان کی ٹائیگر سیریز اور ریتھک روشن کی فلم ’وار‘ بھی شامل ہیں۔
’پٹھان‘ میں سلمان خان نے بھی کیمیو رول ادا کیا تھا جبکہ ’وار‘ فلم کے کبیر (ریتھک روشن) کا بھی فلم میں ذکر کیا گیا ہے، فلم میں جاسوس کا کردار ادا کرنے کے بارے میں پیر کو سوال جواب سیشن میں شاہ رخ خان نے بتایا کہ ’اب میں وہ کردار ادا کرنا چاہتا ہوں جو کردار لوگ دیکھنا چاہتے ہیں، میں بطور اداکار اب بڑا ہو گیا ہوں، میری ذاتی پسند ختم ہوتی جا رہی ہے۔
’پٹھان‘ کے سیکوئل کے بارے میں واضح کرتے ہوئے شاہ رخ خان نے لکھا کہ ’صرف پٹھان 2 ہی نہیں بلکہ میں خود اپنی تمام فلموں کا اعلان کروں گا اور آپ لوگوں کو بتاؤں گا۔ میرے سچ بتانے تک براہ کرم انتظار کریں اور احمقانہ خبروں کو مت سنیں، رواں سال شاہ رخ خان کی دو مزید فلمیں بھی ریلیز ہوں گی، ان کی دوسری فلم ’جوان‘ کے نام سے ہے جس کی ہدایت کاری جنوبی انڈیا کے ڈائریکٹر ایٹلی کمار نے دی ہے، یہ فلم دو جون کو ریلیز کی جائے گی، اس کے بعد سال کے آخر میں کنگ خان راج کمار ہیرانی کی ہدایت کاری میں بننے والی فلم ’ڈنکی‘ میں نظر آئیں گے، یہ فلم کرسمس کے موقع پر سنیما گھروں میں نمائش کے لیے پیش کی جائے گی۔
