نیتن یاہو کےغزہ پرحملے ناقابلِ قبول،حد سے تجاوزکرچکے،نیوزی لینڈ
نیوزی لینڈ کے وزیراعظم کرسٹوفر لکسن نے غزہ میں جاری اسرائیلی جارحیت پر اسرائیلی وزیراعظم نیتن یاہو کو سخت تنقید کا نشانہ بنایا۔
نیوزی لینڈ کے وزیراعظم کرسٹوفر لکسن نے کہا کہ لگتا ہے نیتن یاہو حد سے آگے بڑھ چکے ہیں اور اپنے راستے سے بھٹک گئے ہیں۔
کرسٹوفر لکسن نے غزہ سٹی پر حالیہ حملے کو مکمل طور پر ناقابلِ قبول قرار دیتے ہوئے کہا کہ وہاں انسانی امداد کی شدید کمی، زبردستی بے دخلی اور الحاق کی کوششیں شرمناک ہیں۔
واضح رہے کہ نیوزی لینڈ فلسطینی ریاست کو تسلیم کرنے پر غور کر رہا ہے، جبکہ آسٹریلیا، کینیڈا، برطانیہ اور فرانس پہلے ہی اعلان کرچکے ہیں کہ وہ ستمبر میں اقوام متحدہ کی جنرل اسمبلی اجلاس کے دوران فلسطین کو تسلیم کریں گے۔
