چیف جسٹس سےسول سروسزاکیڈمی میں زیر تربیت افسران کی ملاقات

چیف جسٹس یحیی آفریدی سےسول سروسزاکیڈمی لاہور میں زیرتربیت افسران نے ملاقات کی ہے، چیف جسٹس پاکستان نےسول سروس کا انتخاب کرنے والے افسران کو مبارکباد دی۔

رجسٹرار کیجانب سے جاری اعلامیے کےمطابق سول سروسزاکیڈمی لاہور میں زیر تربیت افسران نے چیف جسٹس سپریم کورٹ یخییٰ آفریدی سے ملاقات کی، اس موقع پر چیف جسٹس یحییٰ آفریدی نے1973 کے آئین سے 26ویں ترمیم تک آئینی تاریخ کا تعارف پیش کیا۔

اعلامیے کے مطابق چیف جسٹس پاکستان نے اختیارات کی تقسیم اور آئین کی اہمیت پر زور دیا۔

 رجسٹرار سپریم کورٹ نے وفد کو عدالتی امور اور اصلاحات سےمتعلق بریفنگ دی،57 ہزار 347 مقدمات سپریم کورٹ جبکہ24 لاکھ مقدمات ملک بھر کی عدلیہ میں زیر التوا ہیں۔

رجسٹرار سپریم کورٹ نے سول سروسز میں زیرتربیت ملازمین کو کمزور طبقے پر توجہ دینے اور ٹیکنالوجی کے استعمال بارے میں آگاہ کیا۔