پاکستان کا جنوبی افریقہ کے خلاف وائٹ بال سیریز کے لیے سکواڈز کا اعلان

پاکستان کرکٹ بورڈ (پی سی بی) نے جنوبی افریقہ کے خلاف وائٹ بال سیریز کے لیے قومی سکواڈز کا اعلان کر دیا ہے۔

اعلان کے مطابق، جنوبی افریقہ کے خلاف ٹی ٹوئنٹی اور ون ڈے سیریز کے لیے ٹیموں کا انتخاب کیا گیا ہے، جب کہ یہی سکواڈز سری لنکا کے خلاف ون ڈے سیریز اور تین ملکی ٹی ٹوئنٹی ٹورنامنٹ کے لیے بھی برقرار رہیں گے۔

پی سی بی نے ٹی ٹوئنٹی انٹرنیشنل کے لیے 15 رکنی اور ون ڈے کے لیے 16 رکنی سکواڈ کا اعلان کیا ہے۔ سابق کپتان بابر اعظم اور فاسٹ بولر نسیم شاہ کی ٹی ٹوئنٹی سکواڈ میں واپسی ہوئی ہے، جبکہ عثمان طارق پہلی مرتبہ ٹی ٹوئنٹی ٹیم میں شامل کیے گئے ہیں۔

قومی ٹی ٹوئنٹی اسکواڈ:
سلمان علی آغا (کپتان)، عبدالصمد، ابرار احمد، بابر اعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان، صائم ایوب، شاہین آفریدی، عثمان خان اور عثمان طارق۔
فخر زمان، حارث رؤف اور سفیان مقیم کو ریزرو کھلاڑیوں میں رکھا گیا ہے۔

قومی ون ڈے اسکواڈ:
شاہین شاہ آفریدی (کپتان)، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللہ، حسن نواز، حسین طلعت، محمد نواز، محمد رضوان، محمد وسیم جونیئر، نسیم شاہ، صائم ایوب اور سلمان علی آغا۔

پاکستان اور جنوبی افریقہ کے درمیان ٹی ٹوئنٹی سیریز 28 اکتوبر سے یکم نومبر تک کھیلی جائے گی۔
اس کے بعد، سری لنکا اور زمبابوے کے ساتھ تین ملکی ٹی ٹوئنٹی سیریز 17 سے 29 نومبر تک راولپنڈی اور لاہور میں منعقد ہوگی۔