پاک بحریہ کاآپریشن، 10 لاکھ ڈالر مالیت کی منشیات ضبط کرلی
پاک بحریہ نےشمالی بحیرہ عرب میں کامیاب آپریشن کرکے10 لاکھ امریکی ڈالر کی منشیات کی بڑی کھیپ ضبط کرلی۔
آئی ایس پی آرکےمطابق نیول فضائی اثاثوں کی مدد سےپی این ایس معاون نے مشکوک کشتی پر بورڈنگ آپریشن کرکےمنشیات ضبط کرلی۔
ترجمان پاک فوج کے مطابق منشیات کشتی کےخفیہ خانوں میں چھپائی گئی تھی، ضبط شدہ منشیات کی بین الاقوامی مارکیٹ میں مالیت تقریباً10لاکھ امریکی ڈالر ہے، منشیات کی یہ کھیپ سمندر کےراستے بین الاقوامی مقامات تک پہنچائی جا رہی تھی۔
آئی ایس پی آر نےبیان میں مزید کہا ہے کہ پاک بحریہ خطے کی سمندری حدود میں ہر طرح کی غیر قانونی سرگرمیوں کی روک تھام کیلئےہمہ وقت سرگرم ہے۔
خیال رہے کہ پاک بحریہ نےگزشتہ سال اکتوبر میں شمالی بحیرہ عرب میں کمبائنڈٹاسک فورس150کےساتھ کامیاب انسداد منشیات آپریشن کرتے ہوئے مشتبہ کشتی سے 1300 کلو حشیش برآمد کی تھی۔
انسداد منشیات آپریشن میں مشتبہ کشتی سے 1.3ٹن ( 1300 کلو) حشیش ملی جس کی عالمی مارکیٹ میں مالیت 2 کروڑ 60 لاکھ ڈالر تھی۔
