پی ٹی آئی کی مذاکراتی کمیٹی کو عمران خان سے ملاقات کی اجازت مل گئی
پاکستان تحریک انصاف کی مذاکراتی کمیٹی کو جیل میں عمران خان سے ملاقات کی اجازت مل گئی ہے۔
ذرائع کے مطابق مذاکراتی کمیٹی کا آج بانی پی ٹی آئی سے دن دوبجے تک ملاقات کا امکان بھی ہے۔واضح رہے پاکستان تحریک انصاف کے رہنما اسد قیصر نے کہا تھا کہ ہم طعنہ نہیں دینا چاہتے لیکن ان کو دیکھنا چاہیے کہ کمٹمنٹ کیوں پوری نہیں ہوئی۔
اسد قیصر نے کہا تھا کہ بہت بڑا سوال یہ ہے کہ پی ٹی آئی کمیٹی کی عمران خان سے ملاقات کیوں نہیں ہو سکی۔ اسدقیصر نے کہا تھا کہ وہ چاہتے ہیں کہ مذاکرات میں سنجیدگی ہو تو لیڈرشپ کا ان پٹ ضروری ہے، ن لیگ کو چاہیے کہ اپنا واضح مؤقف بیان کرے۔
اسدقیصرکاخواجہ آصف،مریم نواز پرمذاکرات ناکام بنانے کا الزام
اسد قیصر نے الزام لگایا تھا کہ خواجہ آصف اور مریم نواز کی کوشش ہے کہ ہر ممکن طریقے سے مذاکرات ناکام بنا دیے جائیں۔ انہوں نے کہا تھا کہ مذاکرات سے متعلق ہماری کمٹمنٹ ہے،یہی وجہ ہے اعتماد سے بات کر رہے ہیں۔مریم نواز اور خواجہ آصف کی باتوں پر ہمیں افسوس ہے۔
