پیپلزپارٹی کا مسلم لیگ ن سے بڑا مطالبہ، پنجاب میں کتنی وزارتیں مانگیں؟
بجٹ کے بعد پنجاب کابینہ میں توسیع کیلئے پاکستان مسلم لیگ ن نے اتحادی جماعتوں کیساتھ بیک ڈور رابطے شروع کر دیئے ہیں۔ استحکام پاکستان پارٹی نے بجٹ کے بعد پنجاب کابینہ میں شامل ہونےکا فیصلہ کرلیا جبکہ پاکستان پیپلز پارٹی نے 3 وزارتیں مانگ لیں۔
پیپلزپارٹی اور آئی پی پی بجٹ کے بعد پنجاب کابینہ میں شمولیت اختیار کرنے والی ہیں تاہم ذرائع کا کہنا ہے کہ مسلم لیگ ن کو پیپلزپارٹی اور آئی پی پی سے پاورشئیرنگ فارمولا طے کرنے میں مشکلات پیش آ رہی ہیں۔ اس کی وجہ یہ ہے کہ دونوں ہی جماعتیں حکومتی جماعت سے زیادہ سے زیادہ وزارتیں لینے پر بضد ہیں۔
ذرائع کا کہنا ہے کہ مسلم لیگ ن کی قیادت پنجاب حکومت میں پیپلز پارٹی کو 2 اور استحکام پاکستان پارٹی کو ایک وزارت دینا چاہتی ہے تاہم پیپلز پارٹی پنجاب میں 3 وزارتیں لینے پر بضد ہے جبکہ آئی پی پی نے بھی دو وزارتیں مانگ لی ہیں۔
انسانی اسمگلنگ کے الزام میں زیر حراست صارم برنی پر امریکہ نے ردعمل دے دیا
ذرائع کے مطابق پنجاب حکومت موجودہ صوبائی وزرا کی کارکردگی سے متعلق رپورٹس کی بنیاد پرردوبدل کرنے پر بھی غور کر رہی ہے جس کے تحت اب تک کارکردگی نہ دکھانے والے وزراء کے قلمدان تبدیل کیے جائیں گے۔ نئے ایم پی ایز کو بھی پنجاب کابینہ میں شامل کیا جائے گا۔
پیپلز پارٹی کی جانب سے پاور شئیرنگ فارمولا سے متعلق 2رکنی کمیٹی بات چیت کر رہی ہے۔ اس کمیٹی میں راجہ پرویز اشرف اور یوسف رضا گیلانی شامل ہیں۔صوبائی اور وفاقی کابینہ میں شمولیت کے حوالے سے حتمی فیصلہ بلاول بھٹو زرداری کے فیصلے سے مشروط ہو گا۔
