وزیراعظم شہباز شریف آذربائیجان پہنچ گئے

وزیراعظم شہباز شریف دو روزہ دورے پر آذربائیجان پہنچ گئے، اقتصادی تعاون تنظیم اجلاس میں شرکت کریں گے۔

وزیراعظم آذربائیجان کے شہر شوشا کاراباخ پہنچے ہیں، جہاں وہ اقتصادی تعاون تنظیم کے اجلاس میں شریک ہوں گے۔

فذولی ایئرپورٹ پر وزیراعظم اور پاکستانی وفد کا پرتپاک استقبال کیا گیا۔ آذربائیجان کے وزیرِ ثقافت عادل کرملی، آذربائیجان میں پاکستان کے سفیر خضر فرہادوف، پاکستان کے آذربائیجان میں سفیر قاسم محی الدین اور دیگر اعلیٰ سفارتی و حکومتی حکام نے ان کا خیرمقدم کیا۔

وزیراعظم شہباز شریف ECO کے سربراہی اجلاس میں شرکت کریں گے اور اجلاس سے خطاب بھی کریں گے۔ اس موقع پر وہ مختلف عالمی رہنماؤں سے اہم ملاقاتیں بھی کریں گے۔

وزیراعظم کے ہمراہ نائب وزیراعظم اسحاق ڈار، وزیراطلاعات عطااللہ تارڑ اور معاون خصوصی طارق فاطمی بھی موجود ہیں۔