پنجاب نے ملکی تاریخ کے سب سے بڑے سیلاب کا سامنا کیا ہے : عظمیٰ بخاری
وزیر اطلاعات پنجاب عظمیٰ بخاری کا کہنا ہے کہ پنجاب نے ملکی تاریخ کے سب سے بڑے سیلاب کا سامنا کیا ہے،حکومت کے بروقت اقدامات سے لاکھوں جانوں کو محفوظ بنایا گیا ہے، سیلاب کے نقصانات کا تخمینہ لگایا جارہا ہے۔
صوبائی وزیر عظمیٰ بخاری نے کہا کہ وزیراعلیٰ پنجاب مریم نواز اور ان کی ٹیم سیلاب متاثرین کی خدمت میں دن رات مصروف ہیں۔ پنجاب حکومت نے ملکی تاریخ کا سب سے بڑا ریسکیو آپریشن کیا ہے۔
عظمیٰ بخاری نے کہاکہ حکومت پنجاب سیلاب متاثرین کےلیے اپنے تمام وسائل استعمال کررہی ہے،سیلاب متاثرین کی آبادکاری ایک بڑا چیلنج ہے، سیلاب کے نقصانات کا تخمینہ لگایا جارہا ہے،سروے مکمل ہونے کےبعد وزیر اعلیٰ مریم نواز جلد ریلیف پیکج کا اعلان کریں گی۔
وزیر اطلاعات کا کہنا تھاکہ حکومت پنجاب پر انگلی وہ اٹھا رہےجن کے اپنے صوبے میں سیلاب اور بارشوں سے سیکڑوں لوگ جاں بحق ہوئے، خیبرپختونخوا میں متاثرہ لوگ آج بھی بےیارو مددگار پڑےہیں، خیبرپختونخوا حکومت لوگوں کے مسائل حل کررہی نہ اپنی رٹ قائم کر پارہی۔
