رضوان نےآسٹریلیا سےشکست کامثبت پہلوتلاش کرلیا

قومی کرکٹ ٹیم کےکپتان اوروکٹ کیپرمحمدرضوان نے آسٹریلیا سےٹی20 سیریز میں شکست پر مثبت پہلو تلاش کرلیا۔

پاکستان وائٹ ٹیم کے کپتان محمد رضوان نےمیچ کے بعد گفتگو کرتےہوئےکہا کہ ٹی20سیریز میں آسٹریلوی ٹیم سے تین میچز میں سے دو میں شکست توضرور ہوئی مگر آپ مثبت پہلو دیکھیں تو لڑکوں نے بہت اچھی باؤلنگ کی۔

انہوں نےکہا کہ ہمیں معلوم ہے کہ آسٹریلیا آسان ٹیم نہیں ہےمگر آج کےمیچ میں ہم نےآسٹریلیا کو کئی مواقع دیے جس کی وجہ سے میچ ہاتھ سےنکل گیا۔کپتان نےکہا کہ میں اپنے آپ کوحالات کے حساب سے تیار کرتا ہوں۔

واضح رہے کہ آسٹریلیا نےدوسرےٹی20 میچ میں پاکستان کوشکست دے کر 3 میچوں کی سیریزدو صفر سےاپنےنام کرلی۔

سڈنی میں کھیلےگئےدوسرے ٹی20 میچ میں پاکستان نےآسٹریلیا کے 147 رنز کے جواب میں اپنی اننگز کا آغاز کیا۔تاہم ابتداہی سے ٹیم لڑکھڑا گئی اور آسٹریلوی بالرز کے سامنے زیادہ دیر ٹھہر نہیں سکی۔قومی ٹیم آسٹریلیا کی جانب سے دیے گئے 148 رنز کے ہدف کےجواب میں134 رنز پر ڈھیر ہو گئی۔ عثمان خان 52 رنز کی اننگز کھیل کر ٹاپ اسکورر رہے۔