گلوکارہ آشا بھوسلے نےاپنی آخری خواہش بتا دی

لیجنڈ گلوکارہ آشا بھوسلے نے مرنے سے قبل اپنی آخری خواہش کا اظہار کر دیا۔

بھارتی گلوکارہ آشا بھوسلے نے حال ہی میں ایک پوڈ کاسٹ میں شرکت کی جہاں انہوں نے اپنی زندگی سے متعلق گفتگو کی۔

گلوکارہ نے اپنے انجہانی شوہر اور لیجنڈری میوزک کمپوزر آر ڈی برمن کویاد کرتے ہوئے ان کی تعریفیں کیں اور بتایا کہ وہ غیر معمولی فطرت کےانسان تھے اور وہ مشہور میوزک ڈائریکٹر ہونے کے باوجود خود کو ایسا نہیں سمجھتے تھے، ان میں کوئی غرور بھی نہیں تھا۔

آشا بھوسلے  نےزندگی کی آخری خواہش کے حوالے سے بتایا کہ ایک ماں کی خواہش ہوتی ہے کہ اس کے بچے خوش رہیں، ایک نانی یا دادی کی خواہش ہوتی ہے اس کے پوتا پوتی یا نواسا نواسی خوش رہیں لیکن میں اپنی آخری سانس تک گانا چاہتی ہوں۔

 لیجنڈ گلوکارہ نے مزید کہا کہ میری صرف یہی خواہش ہے کہ میں گاتے ہوئے مر جاؤں، میرے لیے سیکھنے کیلئےکچھ نہیں بچا، میں نے پوری زندگی گایا ہے، میں نے 3 سال کی عمر میں کلاسیکل موسیقی سیکھنا شروع کی او 82 سال سے پلے بیک گلوکارہ ہوں، اب یہی خواہش ہے کہ گاتے ہوئے میرا سانس نکل جائے، اور یہ ہی مجھے سب سےزیادہ خوشی دے گی۔