اسٹیٹ بینک کا شرح سود 11 فیصد پر برقرار رکھنے کا اعلان
اسٹیٹ بینک نے مانیٹری پالیسی کا اعلان کردیا۔مانیٹری پالیسی کے تحت شرح سود کو 11 فیصد پر برقرار رکھا گیا ہے۔
اسٹیٹ بینک آف پاکستان کی مانیٹری پالیسی کمیٹی کا اہم اجلاس آج کراچی میں منعقد ہوا جس میں ملک کی معاشی صورت حال کو مدنظر رکھتےہوئے آئندہ ڈیڑھ ماہ کےلیے شرح سود برقرار رکھنے کا فیصلہ کیا گیا۔
اجلاس کےبعد ایک تفصیلی اعلامیہ جاری کر دیا گیا جس میں مانیٹری پالیسی سے متعلق تمام نکات اور فیصلوں کی وضاحت کی گئی ہے۔
مانیٹری پالیسی کمیٹی کا اجلاس معمول کےمطابق منعقد ہوا جس میں موجودہ مالیاتی اور اقتصادی اشاریوں کا جائزہ لیتےہوئے آئندہ کےلیے پالیسی ریٹ پر فیصلہ کیاگیا۔
یاد رہےکہ 5 مئی کو ہونے والے گزشتہ اجلاس میں اسٹیٹ بینک نے پالیسی ریٹ میں ایک فیصد کمی کرتےہوئے اسے 11 فیصد پر مقرر کیا تھا،جسے کاروباری حلقوں اور اقتصادی ماہرین نے سراہا تھا۔
ماہرین کا کہنا ہے کہ مہنگائی میں ممکنہ کمی اور معاشی سرگرمیوں کو سہارا دینے کے لیے آج ہونے والے اجلاس میں بھی شرح سود میں مزید کمی کا امکان رد نہیں کیا جا سکتا۔
