خیبرپختونخوا : دہشت گردوں کے حملے ناکام، 3 دہشت گرد ہلاک
خیبرپختونخوا کے اضلاع بنوں اور کرک میں پولیس نے دہشت گردوں کے حملے ناکام بنادیے۔جوابی کارروائی میں 3 دہشت گرد ہلاک اور 4 زخمی ہوگئے۔
ترجمان پولیس کےمطابق
بنوں میں دہشت گردوں نے پہلے میریان تھانے اور پھر مزنگ چوکی کو نشانہ بنایا تاہم پولیس نے دلیری اور حکمت عملی سے دونوں حملے پسپا کردیئے۔
ریجنل پولیس آفیسر کےمطابق دہشتگردوں نے میریان تھانے پر حملہ کیا جسے 20 منٹ میں ناکام بنا دیا گیا۔میریان میں مزنگ چوکی پر بھی درجنوں دہشتگردوں نے بھاری ہتھیاروں سے حملہ کیاجہاں فائرنگ کا سلسلہ ایک گھنٹے تک جاری رہا۔
آر پی او بنوں سجاد خان کےمطابق پولیس نے تین دہشت گردوں کو ہلاک جب کہ چار کو زخمی کر دیا۔دہشتگردوں کے ساتھی ہلاک اور زخمیوں کو لےکر فرار ہوگئے جب کہ حملے میں تین پولیس اہلکار معمولی زخمی ہوئے ہیں۔
دوسری جانب کرک کے گرگری تھانے پر بھی دہشت گردوں نے حملہ کیاتاہم اس دوران پولیس اور دہشت گردوں میں فائرنگ کا تبادلہ ہوا،ڈی پی او کے مطابق دہشت گردوں کو تھانے کےقریب نہیں آنے دیاگیا۔
