ٹیسٹ کرکٹر کامران غلام کی دعوت ولیمہ،کھلاڑیوں کی شرکت

ابرار احمدکے بعد ٹیسٹ کرکٹر کامران غلام بھی رشتہ ازدواج سےمنسک ہو گئے، دعوت ولیمہ میں قومی کرکٹرنےشرکت  کی۔

ٹیسٹ کرکٹر کامران غلام کے ولیمے کی تقریب پشاور میں ہوئی جہاں کامران غلام کے دوست اور عزیز و اقارب شریک ہوئے۔

کامران غلام کے ولیمے کی تقریب میں قومی کرکٹر محمد رضوان، صاحبزادہ فرحان ، افتخار احمد، فخر زمان، نسیم شاہ اور ساجد خان سمیت مقامی کرکٹرز  بھی شریک ہوئے۔

قومی کرکٹرز نے کامران غلام کو شادی کی مبارکباد دیتے ہوئے زندگی کی نئی اننگز کے آغازپران کے لیے نیک خواہشات کا اظہار کیا۔

خیال رہے گزشتہ روز ہی قومی کرکٹر ابرار احمد کی بھی شادی ہوئی تھی اور ان کے ولیمے کی تقریب 6 اکتوبر کو ہو گی۔