گولڈ میڈلسٹ ارشد ندیم کیلئےغیر ملکی کوچ کی خدمات لینے کا فیصلہ
جولین تھرو میں گولڈ میڈل جیتنے والےارشد ندیم سمیت دیگر کھلاڑیوں کی تربیت کیلئےغیر ملکی کوچ کی خدمات لینےکا فیصلہ کرلیا گیا۔
اتھلیٹکس فیڈریشن آف پاکستان سےالحاق رکھنے والے یونٹس کی بڑی تعداد جس میں صوبے اور ڈیپارٹمنٹس بھی شامل تھے کے نمائندوں نے شرکت کی، اجلاس کی صدارت بریگیڈئر (ر) وجاہت حسین نے کی۔
پیرس اولمپکس میں پاکستان کیلئےگولڈ میڈل جیتنے والے ارشد ندیم کوخراج تحسین پیش کیا گیا اور اس بات کا فیصلہ کیا گیا کہ مستقبل میں ہونےوالے مقابلوں کی تیاری کیلئےارشد ندیم، یاسراورشجرعباس کو بین الاقوامی معیار کے کوچز سے تربیت فراہم کی جائے گی تاکہ مزید میڈل پاکستان جیت سکے۔
پاکستان کی میزبانی میں ہونے والی ساف کراس اتھلیٹکس چیمپیئن شپ کی تیاریاں تیز کر دی جائیں۔
ملک بھرمیں گراس روٹ سے نئے ٹیلنٹ کی تلاش کیلئےاقدامات اٹھائےجائیں اور ایسے بچے جو سہولیات سے محروم ہیں، انہیں تربیت کےساتھ ساتھ تعلیم کی بھی سہولت فراہم کی جائے۔
ڈوپنگ کےحوالےسےایک مرتبہ پھر فیصلہ کیا گیااس پر کوئی سمجھوتا نہیں کیا جائے گا، اجلاس میں یہ بھی فیصلہ کیا گیا کہ ملک میں میراتھن اور روڈ ریسز کے لیے اتھلیٹکس فیڈریشن آف پاکستان آپریشنل اورٹیکنیکل سپورٹ مہیا کرئے گی۔
