ولیکا ہسپتال میں ایچ آئی وی سے متاثرین کی تعداد 102 ہوگئی

کراچی کے ولیکا ہسپتال میں ایچ آئی وی آؤٹ بریک کے بعد متاثرہ افراد کی تعداد 120 تک پہنچ گئی ہے جبکہ صوبائی وزیر سعید غنی نے ملوث افراد کے خلاف فرسٹ انفارمیشن پورٹ اور جیل کارروائی کا اعلان کر دیا۔

صوبائی وزیر محنت و افرادی قوت و سماجی تحفظ سندھ سعید غنی نے سندھ اسمبلی کے کمیٹی روم میں پریس کانفرنس میں کہا کہ ولیکا ہسپتال میں ایچ آئی وی کیسز کے معاملے پر حکومت نے ابتدا ہی سے فوری اقدامات کیے تاہم یہ تاثر غلط ہے کہ اس سلسلے میں کوئی کارروائی نہیں کی گئی۔

انہوں نے کہا کہ اب تک ولیکا ہسپتال اور اس کے اطراف 10 ہزار 500 سے زائد افراد کی سکریننگ کی جا چکی ہے، جن میں 120 افراد میں ایچ آئی وی کی تصدیق ہوئی ہے تاہم متاثرہ بچوں کا علاج ملک کے پانچ بڑے ہسپتالوں میں جاری ہے، اکتوبر 2025 میں کیسز سامنے آتے ہی محکمہ صحت کی سی ڈی سی ٹیم نے اگلے ہی روز سکریننگ شروع کر دی تھی جبکہ چند روز میں انکوائری کمیٹی بھی قائم کر دی گئی تھی۔