پنجاب میں اب بڑی بارش کا امکان نہیں : ڈی جی پی ڈی ایم اے

ڈی جی پی ڈی ایم اے پنجاب عرفان علی کاٹھیا نے کہا ہے کہ مون سون کا دسواں سپیل ختم ہونے کے بعد پنجاب میں اب بڑی بارش کا امکان نہیں ہے۔

ڈی جی پروونشل ڈیزاسٹر مینجمنٹ اتھارٹی ( پی ڈی ایم اے ) پنجاب عرفان علی کاٹھیا کا کہنا تھا کہ تینوں دریاؤں میں اب کسی آبی ریلے کی آمد متوقع نہیں، گنڈا سنگھ والا پر پانی آئندہ ایک دو روز  میں نارمل سطح پر آجائے گا۔

عرفان علی کاٹھیا نے کہا کہ مون سون کا دسواں سپیل ختم ہوگیا ہےجس کے بعد پنجاب میں اب بڑی بارش کا امکان نہیں ہے۔

ڈی جی پی ڈی ایم اے نے سیلاب کی وجہ سے ہونے والے نقصانات پر بات کرتے ہوئے بتایا کہ پنجاب میں سیلاب سے 66 افراد جاں بحق ہوئے اور ساڑھے 19 لاکھ ایکڑ زرعی رقبےکو نقصان ہوا۔

عرفان علی کاٹھیا نے کہا کہ حکومتی کیمپوں میں 80 ہزار لوگ رہائش پذیر ہیں جب کہ جلال پورپیر والا سے 2 ہزار 700 افراد کو محفوظ مقامات پر منتقل کیا گیا ہے۔