وزارت اعلیٰ کے انتخاب میں باہرسےمداخلت نہیں ہونی چاہیے،سہیل آفریدی
تحریک انصاف کے وزارت اعلٰی کے امیدوار سہیل آفریدی کا کہنا تھا کہ وزیر اعلیٰ کا انتخاب آئین کے مطابق ہو رہا ہے، اس عمل میں باہر سے کسی کو مداخلت نہیں کرنی چاہیے۔
نامزد وزیر اعلیٰ سہیل آفریدی نے میڈیا سے مختصر گفتگو کرتے ہوئے کہا کہ اُن کی پالیسی پارٹی چیئرمین کی ہدایت کے مطابق ہے اور وہ اپنا پالیسی بیان صوبائی اسمبلی کے فلور پر پیش کریں گے۔
انہوں نے کہا کہ ہم سب کو کالعدم قرار دیا گیا، مقدمات بھی ہم پر ہیں، ہمیں دہشت گرد ڈکلیئر کیا گیا، لیکن حقیقت یہ ہے کہ خود ان کے روابط اسامہ بن لادن کے ساتھ رہے ہیں۔
نامزد وزیر اعلیٰ نے کہا کہ وہ جلد اپنی تفصیلی پالیسی اسمبلی کے ایوان میں پیش کریں گے۔
واضح رہے کہ وزیراعلیٰ خیبر پختونخوا کے انتخاب کے لیے جمع کرائے گئے کاغذاتِ نامزدگی جانچ پڑتال کے بعد منظور کر لیے گئے ہیں۔ انتخابی عمل اب باضابطہ طور پر اسمبلی کے ایجنڈے کا حصہ بن گیا ہے۔
