ٹک ٹاکر شیروں کے پنجرے میں کود گیا،ویڈیو وائرل
لاہور چڑیا گھر میں ایک ٹک ٹاکر کے مبینہ طور پر شیروں کے انکلوژر میں داخل ہونے کی ویڈیو سوشل میڈیا پر وائرل ہو گئی جس کے بعد چڑیا گھر انتظامیہ نے معاملے کی تحقیقات شروع کر دیں۔
کچھ روز قبل سامنے آنے والی ویڈیو میں ٹک ٹاکر کو شیروں کے انکلوژر کا جنگلہ پھلانگ کر اندر جاتے اور چند لمحوں بعد واپس آتے دیکھا جا سکتا ہے جس پر سوشل میڈیا صارفین نے شدید حیرت اور تشویش کا اظہار کیا۔
لاہور چڑیا گھر انتظامیہ کا کہنا ہے کہ شیروں کے جنگلے اور ان کے اصل انکلوژر کے درمیان ایک وسیع خندق موجود ہے جبکہ حفاظتی حدود پر ریزر وائرز کی متعدد تہیں بھی نصب ہیں۔
