برطانیہ کے محکمہ ٹیکس نے حسن نواز کی دیوالیہ ہونے کی مدت ختم کردی

برطانوی  محکمہ ٹیکس نے نواز شریف کے صاحبزادے حسن نواز کے دیوالیہ ہونے کی مدت کو  ختم کردیا۔

بینک کرپسی کی مدت مکمل ہونےکےبعد اب حسن نواز دوبارہ کمپنی ڈائریکٹر بن کر معمول کے مطابق کاروبار کے اہل ہوگئے۔

سرکاری ریکارڈ کےمطابق حسن نواز کے دیوالیہ پن کی مدت 29 اپریل 2025 کو ختم ہوئی۔

محکمہ ٹیکس نےتصدیق کی ہےکہ کسی غیر قانونی سرگرمی میں ملوث نہ ہونےکےسبب حسن نواز کا دیوالیہ پن ختم ہوا ہے۔

2 ماہ قبل ایچ ایم آر سی نےحسن نواز کی طرف سےخود کو دیوالیہ ہونے کی اطلاع دی تھی، حسن نواز نے تقریباً 10 ملین پاؤنڈ کا ٹیکس ادا نہ کرنے کےسبب دیوالیہ پن اختیارکیا تھا۔

ایکنک نے داسو ہائیڈرو پاور پلانٹ سمیت 355 ارب روپے کے 9 ترقیاتی منصوبوں کی منظوری دیدی

حسن نواز کامؤقف تھا کہ تمام ٹیکسوں کی ادائیگی کے باوجود ایچ ایم آر سی نے ایک خاص مدت گزر جانے کے باوجود ٹیکس کا مطالبہ کیا تھا،گزشتہ برس سرکاری گزٹ میں حسن نواز کے دیوالیہ ہونے کی تفصیلات شائع کی گئی تھیں۔

دیوالیہ پن ختم ہونے کےبعد قانونی طور پر قرضوں کی ادائیگی کی ضرورت نہیں رہتی اورقرض لینےوالوں کوقرض کی واپسی سےروک دیا جاتا ہے۔