مذاکرات پرعمران خان نے جوکہا وہی پارٹی کا فیصلہ ہے،بیرسٹرگوہر

چیئرمین پی ٹی آئی بیرسٹرگوہر کاکہنا ہے کہ حکومت کے ساتھ مذاکرات کے حوالے سے جو عمران خان نے کہا وہی پارٹی کا فیصلہ ہے۔

بیرسٹرگوہر کا نجی ٹی وی سے گفتگو میں کہنا تھا کہ مذاکرات کے آغاز میں حکومت نے تاخیر کی،کمیشن کی تشکیل میں بھی تاخیر کی،پی ٹی آئی کا فیصلہ وہی ہے جو بانی پی ٹی آئی نے کہا ہے، اب بھی حکومت سنجیدہ ہے تو ایک بھی مثبت قدم اٹھائے، بانی سےبات کریں گے۔

چیئرمین تحریک انصاف کا کہنا تھا7 دن ختم ہونےکےبعد مذاکراتی عمل باضابطہ ختم ہو چکا ہے، حکومت چاہے تو کمیشن کا اعلان کر دے،اس کے بعد ہم دیکھیں گے، حکومت کمیشن کے ٹی او آرز پر بیٹھنےکا کہےتواس پر بانی پی ٹی آئی سے بات کریں گے۔

دوسری جانب حکومتی کمیٹی کے ترجمان عرفان صدیقی نےنجی ٹی وی سےگفتگو کرتے ہوئے کہا کہ پی ٹی آئی نےیکطرفہ طور پر اچانک مذاکرات ختم کیے، یہ کمیٹی ہی نہیں خود پی ٹی آئی کیلئےحیران کن تھا، اڈیالہ جیل سےبیرسٹر گوہر نے مذاکرات ختم کرنےکا اعلان کیا۔

سینیٹر عرفان صدیقی کا کہنا تھا بیرسٹر گوہر نےکہا بانی پی ٹی آئی عمران خان نے دو ٹوک الفاظ میں کہا ہےصاحبزادہ حامد رضا نےمذاکرات پر”ایبسولیٹلی ناٹ” کے الفاظ استعمال کیے۔طےشدہ اعلامیے کےمطابق7 دن سےقبل نہ کوئی جواب دیں گے نہ کمیشن پر اعلان کریں گے، ہم تماشہ بننے کو تیار نہیں، 28 تاریخ کو اجلاس کیلیے تیار بیٹھے ہیں۔

عرفان صدیقی کا کہنا ہے کمیشن کا جواب مذاکراتی نشست میں دینا ہے، وہیں دیں گے، ہم دھمکی کا یا بائیکاٹ کا ایسےجواب نہیں دیں گے۔ایک طرف دھمکی، دوسری طرف سول نافرمانی کے ساتھ ٹویٹ بھی کی گئیں، وزیراعظم کو گالیاں تک دیں، ہم 28 جنوری سے پہلےکوئی جواب نہیں دے سکتے۔

Back to top button