کیا علیزے سلطان دوسری شادی کرنے والی ہیں؟
اداکار فیروز خان سے علیحدگی اختیار کرنے کے بعد اداکارہ علیزے سلطان نے جلد دوسری شادی کا عندیہ دے دیا ہے، ان کے مطابق نکاح آدھا دین ہے،
علیزے سلطان نے فیروز خان کے ساتھ طلاق کے بعد کی پہلی مرتبہ مداحوں کے ساتھ گفتگو کرنے کیلئے انسٹاگرام پر سوال جواب کا سیشن رکھا جس میں انہوں نے اپنی نجی زندگی سے متعلق تمام سوالات کے مثبت جوابات دیئے۔
ایک مداح نے سوال کیا کہ علیزے کیلئے طلاق کے بعد اکیلے بچوں کی پرورش اور ہمارے معاشرے کا سامنا کرنا کیسا رہا؟ جس پر علیزے سلطان نے جواب دیا کہ جب آپ کے ساتھ اللہ ہو، اہل خانہ ہوں اور چاہنے والوں کی دعائیں اور محبتیں ہوں تو سب ٹھیک ہوجاتا ہے۔
ایک انسٹاگرام صارف نے سوال کیا کہ کیا طلاق کے بعد آپ زیادہ پُر اعتماد ہوگئی ہیں؟ جس کے جواب نے ان کا کہنا ہے کہ جب آپ کی بےقدری کرنے والا کوئی نہیں ہوتا تو آپ کھِل اُٹھتے ہیں۔
ایک اور مداح نے علیزے سے دوسری شادی کے بارے میں پوچھا جس پرعلیزے فاطمہ نے کہا کہ شادی آدھا دین ہے اور ہر چیز اپنے وقت پر ہوجاتی ہے۔علیزے سلطان نے مداحوں کا شکریہ ادا کر تے ہوئے کہا کہ اگر مشکل وقت میں آپ لوگوں کا ساتھ نہیں ہوتا تو وہ زندگی میں آگے نہیں بڑھ سکتی تھیں۔
خیال رہے کہ علیزے سلطان اور فیروز خان 2018 میں رشتہ ازدواج میں منسلک ہوئے تھے تاہم دو بچوں کی پیدائش کے بعد اس جوڑی نے راہیں جدا کرتے ہوئے ستمبر 2022 میں طلاق لے لی تھی، دونوں کے درمیان بچوں کی حوالگی اور نان نفقہ کے لیے عدالتی جنگ اب بھی جاری ہے، علیزے چاہتی ہیں کہ وہ اپنے دونوں بچوں کی پرورش خود کریں اور وہ اس سلسلے میں اداکار فیروز خان سے ماہانہ خرچ کا مطالبہ کر رہی ہیں۔
اداکارہ فیروز خان نے عدالت میں اتنا معاوضہ ادا کرنے پر موقف اپنایا کہ میرے معاشی حالات ایسے نہیں ہیں، میں اتنا خرچہ برداشت نہیں کر سکتا ہوں ، اداکار نے عدالت سے التماس کی کہ علیزے کی جانب سے ماہانہ خرچ کو کم کیا جائے۔
فیروز خان اہلیہ سے علیحدگی اختیار کرنے پر ساتھی فنکاروں کی تنقید کی زد میں بھی رہے ہیں، جس پر اداکار نے تمام فنکاروں کے ذاتی نمبرز انسٹاگرامز پر شیئر کردیئے تھے جس پر ان کیخلاف نئی عدالتی جنگ شروع ہو گئی تھی۔
