ویمن ٹی20ورلڈکپ،پاکستان نے جنوبی افریقہ کوجیت کیلئے127رنزکاہدف دیدیا

ویمن ٹی20ورلڈکپ کے میچ میں پاکستان کی ٹیم نے جنوبی افریقہ کی ٹیم کوجیت کیلئے127رنزکاہدف دیدیا۔

پاکستان کی ٹیم نے ٹاس جیت کرپہلے بیٹنگ کافیصلہ کیاتھا ۔پاکستان کی ٹیم نے مقررہ20اوورز میں 9وکٹوں کے نقصان پر126رنزبنائےاورجنوبی افریقہ کی ٹیم کوجیت کیلئے127رنزکاہدف دیا۔

بھارت کے خلاف پاور پلے میں نسبتاً بہتر کھیل پیش کرنے والی پاکستان ویمنز ٹیم کا ٹاپ آرڈر نہ چل سکا۔

عائشہ ظفر 9، رامین شمیم 6، نتالیہ پرویز 4، گل فیروزہ 1 اور مبینہ علی بغیر کوئی رن بنائے پویلین لوٹ گئیں۔

واضح رہے کہ پاکستان کو پہلے میچ میں بھارت نے ہرایا تھا، آسٹریلیا کی ٹیم نے بھی بنگلہ دیش کو 9 وکٹوں سے شکست دی تھی۔

دوسری جانب آئی سی سی ویمنز ٹی20 ورلڈ کپ کے دوران انگلینڈ اور آسٹریلیا کی ٹیموں کو اہم کھلاڑیوں کی انجریز کے باعث بڑا نقصان پہنچا ہے۔انگلینڈ کی کپتان نیٹ سیور برنٹ بائیں پنڈلی میں کھچاؤ کے باعث ورلڈ کپ کے ابتدائی دو میچز سے باہر ہو گئی ہیں، جس کی تصدیق انگلینڈ ویلز کرکٹ بورڈ نے کی ہے۔