ائیر بس کا طیارے کے حادثے پر اظہار افسوس
ہوائی جہاز بنانے والی یورپی کثیر القومی کمپنی ائیربس نے پاکستان انٹرنیشنل ائیر لائنز (پی آئی اے) کے زیر استعمال اپنےA 320 طیارے کی تباہی پر اظہار افسوس کیا ہے۔ قومی ائیرلائن کی پرواز پی کے 8303 کو جمعے کے روز لینڈنگ کے وقت حادثہ پیش آیا اور طیارہ 2 بجکر 37 منٹ پر گرکر تباہ ہوگیا۔
طیارے میں عملے کے 7 ارکان سمیت 98 افراد سوار تھے اور اب تک ملبے سے 57 افراد کی لاشیں نکالی گئی ہیں جب کہ 3 مسافر حیران کن طور پر زندہ بچ گئے ہیں۔ پی آئی اے کے زیر استعمال یہ ائیربس اے 320 طیارہ زیادہ پرانا نہیں تھا اور اس کی عمر تقریباً 10 سے 11 سال تھی۔
We regret to confirm that an A320 operated by Pakistan International Airlines was involved in an accident during flight #PK8303 from Lahore to Karachi on May, 22 2020. Our thoughts are with all those affected. Airbus is providing assistance to the investigation.
— Airbus (@Airbus) May 22, 2020
ہوائی جہاز بنانے والی یورپی کثیر القومی کمپنی ائیربس نے بھی پی آئی اے کے زیر استعمال اپنے A 320 طیارے کی تباہی پر اظہار افسوس کیا۔
سوشل میڈیا پر جاری بیان میں کمپنی کا کہنا ہےکہ ان کی ہمدردیاں حادثے سے متاثرہ خاندانوں کے ساتھ ہیں۔
انہوں نے مزید کہا کہ ائیربس حادثے کی تحقیقات کےلیے معاونت فراہم کررہی ہے۔
