اقراء عزیز کی لبنانی ہم شکل
حال ہی میں بالی ووڈ کے چاکلیٹی ہیرو رنبیر کپور کے ہم شکل پاکستانی نوجوان کانٹینٹ کریئیٹو ایجنسی کے مالک و فوٹوگرافر فرحان خان شیروانی کی تصاویر نے انٹرنیٹ پر دھوم مچائی تھی۔ لاہور کے نوجوان فرحان خان شیروانی کی تصاویر دیکھ پر نہ صرف پاکستانی بلکہ بھارتی لوگ بھی دھوکہ کھا کر انہیں رنبیر کپور ہی سمجھ بیٹھے تھے۔
فرحان خان شیروانی کی تصاویر کے وائرل ہونے سے قبل اپریل میں پاکستانی اداکارہ مہوش حیات کی ہم شکل عرب فیشن بلاگر روزا کی تصاویر نے انٹرنیٹ پر دھوم مچائی تھی اور پہلی بار روزا کی تصاویر دیکھنے والے افراد نے عرب بلاگر کو پاکستانی اداکارہ ہی سمجھا تھا۔ روزا کی تصاویر جہاں پاکستان میں خوب وائرل ہوئیں، وہیں ان کی تصاویر کو مشرق وسطیٰ اور بھارت میں بھی پسند کیا گیا۔
اور اب پاکستان کی نوجوان اداکارہ اقرا عزیز کی ہم شکل لبنانی آرکیٹک لڑکی کی تصاویر نے انٹرنیٹ پر دھوم مچادی ہے، جو پہلی نظر میں بالکل پاکستانی اداکارہ کی اوریجنل کاپی ہی دکھائی دیتی ہیں۔ اقراء عزیز کی ہم شکل لبنانی لڑکی کی ویڈیو دیکھ کر عام لوگوں کی طرح اداکارہ کی بہن بھی دھوکے میں آگئیں اور انہوں نے بھی پہلی نظر میں لبنانی لڑکی کو اپنی بہن سمجھا۔
For a minute I thought.. but no no this is another beautiful human being guys. Relax. https://t.co/E3iL1EbZn4
— Sidra Aziz (@NamkeenJalebi) June 2, 2020
اقراء عزیز کی بہن سدرہ عزیز نے اپنی ٹوئیٹ میں لبنانی آرکیٹک لڑکی کی ایک ویڈیو شیئر کرتے ہوئے لکھا کہ انہوں نے بھی پہلے یہی سمجھا کہ ویڈیو میں دکھائی دینے والی لڑکی ان کی بہن اقراء عزیز ہیں۔
ساتھ ہی انہوں نے لوگوں پر واضح کیا کہ لیکن ویڈیو میں دکھائی دینے والی لڑکی اقراء عزیز کی ہم شکل ہیں۔
سدرہ عزیز کی جانب سے شیئر کی گئی ویڈیو میں لبنانی لڑکی کو اپنے منگیتر کے ساتھ عربی گانے پر گاڑی میں ڈانس کرتے ہوئے دیکھا جا سکتا ہے۔
لبنانی لڑکی کی ویڈیو سامنے آنے کے بعد دیگر لوگوں نے بھی انہیں اقراء عزیز کی ہم شکل قرار دیا، جس پر لبنانی لڑکی نے بھی ایک ٹوئٹ کی اور بتایا کہ انہوں نے گوگل پر اقراء عزیز کی تصاویر دیکھیں، وہ بہت خوبصورت ہیں۔
لبنانی لڑکی نے خود کو اقراء عزیز کا ہم شکل قرار دینے پر پاکستانی لوگوں کا شکریہ بھی ادا کیا۔
