نیوزی لینڈ ٹیم کی واپسی کی ٹوئیٹ پر کمنٹ سیکشن ہی بند کر دیا گیا
نیوزی لینڈ کرکٹ بورڈ نے دورہ پاکستان منسوخ کرنے والی اپنی ٹیم کے آکلینڈ پہنچنے پر سوشل میڈیا کا کمنٹ سیکشن ہی بند کر دیا۔ چند روز قبل نیوزی لینڈ کرکٹ ٹیم نے پاکستان کے خلاف پہلے ون ڈے میچ سے کچھ دیر قبل سکیورٹی وجوہات کو جواز بناتے ہوئے سٹیڈیم نہ جانے کا اعلان کیا جس کے باعث دونوں ٹیموں کے درمیان ون ڈے اور ٹی ٹونٹی میچوں پر مشتمل سیریز منسوخ ہو گئی۔
وزیر داخلہ شیخ رشید نے نیوزی لینڈ کی جانب سے اچانک دورہ کرنے کو سازش قرار دیا جبکہ چیئرمین پاکستان کرکٹ بورڈ رمیز راجہ نے معاملے کو آئی سی سی میں اٹھانے کا اعلان کیا ہے۔ نیوزی لینڈ کرکٹ ٹیم براستہ دبئی آج آکلینڈ پہنچی جس کی اطلاعات کیوی بورڈ نے اپنے ٹویٹر اکاؤنٹ پر دیتے ہوئے کھلاڑیوں کی جہاز سے باہر نکلنے کے ایک ویڈیو بھی شیئر کی۔
The 24 strong BLACKCAPS touring squad have arrived home into Auckland from Dubai and will shortly begin the mandatory 14 days in MIQ. pic.twitter.com/VVa86O698g
— BLACKCAPS (@BLACKCAPS) September 22, 2021
کیوی بورڈ نے ویڈیو کے کیپشن میں لکھا کہ 24 رکنی بہادر سکواڈ براستہ دبئی آکلینڈ پہنچ گیا ہے اور اب تمام ممبران 14 روز قرنطینہ میں گزاریں گے۔ نیوزی لینڈ کرکٹ بورڈ نے ممکنہ طور پر دورہ پاکستان منسوخ کرنے پر ہونے والی تنقید سے بچنے کے لیے اس ویڈیو پر کمنٹ سیکشن ہی بند کر دیا اور صرف ان لوگوں کو کمنٹ کرنے کی اجازت فراہم کی گئی ہے ۔.
کیوی کرکٹ بورڈ نے مینشن کیا ہے تاہم یہ معلوم نہیں ہو سکا کہ بلیک کیپس نے کن لوگوں کو کمنٹ کرنے کی اجازت فراہم کی ہے ۔ نیوزی لینڈ کرکٹ بورڈ نے فیس بک اور انسٹاگرام پر بھی یہ ویڈیو شیئر کی اور وہاں بھی کمنٹس کا آپشن آف کردیا گیا ہے۔
