2022 میں کن بالی ووڈ سپر سٹارز کی فلمیں ناکام رہیں؟
سال 2022 بالی ووڈ کے ان سپر سٹارز کے لیے ناکام ترین سال ثابت ہوا جن کی فلمیں ریلیز ہوتے ہی ہٹ ہو جایا کرتی تھیں اور بزنس کے ریکارڈ قائم کیا کرتی تھیں۔ بالی وڈ انڈسٹری کا سال 2022 بہت سے سپر سٹارز کے لیے اچھا نہیں رہا۔ فلم کی ریلیز سے پہلے ہی کئی فلمیں جو تنازعات اور مباحثوں کا حصہ بن کر سرخیوں میں آئیں، باکس آفس پر بری طرح پِٹ گئیں۔ بالی وڈ کے ان ستاروں میں کئی بڑے نام ہیں لیکن وہ پردے پر کوئی کمال نہیں دکھا سکے بلکہ ان کی فلمیں فلاپ ہوئیں۔ کچھ بڑے اداکاروں کی فلمیں چار سال کے طویل انتظار کے بعد آئیں لیکن پھر بھی لوگوں کے دلوں پر راج کرنے میں ناکام رہیں۔آئیے جانتے ہیں وہ کونسے ستارے ہیں جن کی قسمت نے باکس آفس پر ساتھ نہیں دیا۔
بالی وڈ کے پرفیکشنسٹ اداکار عامر خان کی فلم ‘لال سنگھ چڈھا’ چار سال کے طویل انتظار کے بعد ریلیز ہو گئی۔ اس فلم کے لیے عامر خان نے 6 سال تک محنت کی۔ان کے مداح ہمیشہ عامر کی فلموں کا انتظار کرتے ہیں اور ان کی فلمیں بھی چلتی ہیں۔ فلم ‘دنگل’ کی کامیابی کے بعد وہ ‘لال سنگھ چڈھا’ لے کر آئے جو انگریزی فلم ‘فاریسٹ گم’ کا ری میک تھا۔اس فلم سے کافی توقعات وابستہ تھیں لیکن یہ تمام امیدیں چکنا چور ہوگئیں اور اسے فلاپ قرار دے دیا گیا۔ اس فلم نے صرف 60 کروڑ کمائے جو کہ عامر خان کے فلمی کیریئر کی اب تک کی سب سے کم کمائی تھی۔
بالی وڈ کے ایکشن ہیرو اکشے کمار کا نام اس سال کے فلاپ اداکاروں میں سرفہرست ہے۔اس سال ان کی لگاتار چار بڑی فلمیں فلاپ ہوئیں، ‘بچن پانڈے’، ‘پرتھوی راج’، ‘رکشا بندھن’ اور ‘رام سیتو’۔ ان فلموں کو باکس آفس پر کوئی خاص قیمت نہیں ملی۔کہا جا رہا ہے کہ اداکار اکشے کمار کی یہ حالت پہلے کبھی نہیں ہوئی۔ یہ پہلا موقع ہے کہ اکشے کا نام ایک ہی سال میں اتنی فلاپ فلمیں دینے میں سرفہرست ہے۔
اسی طرح تامل فلم ‘وکرم ویدھا’ جنوبی انڈیا میں اچھی چلی لیکن اس فلم کا ہندی ری میک باکس آفس پر ناکام ثابت ہوا۔ فلم میں سیف علی خان اور ہریتک روشن کی جوڑی بھی شائقین کو تھیٹر تک نہ کھینچ سکی۔اداکار ہریتک روشن کے لیے بھی یہ سال اچھا نہیں رہا۔ اس سال وہ اپنی فلموں سے زیادہ اپنی ذاتی زندگی کے حوالے سے زیر بحث رہے۔
اداکار رنویر سنگھ کے لیے بھی یہ سال کچھ خاص نہیں ہے۔ہر سال جہاں انکی فلمیں سپر ہٹ ہوتی تھیں، اس سال انہیں مایوسی ہی ملی ہے۔جہاں ان کی فلم ’83 کے کافی چرچے ہوئے وہیں وہ فلم بھی لوگوں کو تھیٹر تک لانے میں ناکام رہی۔ ان کی دوسری فلم ‘جیش بھائی جوردار’ بھی پردے پر خود کو ثابت نہیں کر سکی، اس سال کے آخر میں ان کی فلم ‘سرکس’ ریلیز ہوئی تھی، جسے بھی زیادہ اچھا رسپانس نہیں ملا تھا، اپنے متنازع بیانات کی وجہ سے سرخیوں میں رہنے والی کنگنا رناوت کی فلم ‘دھاکڑ’ بھی سرخیوں میں رہی۔ کہا جا رہا تھا کہ جب یہ فلم سینما گھروں میں آئے گی تو باکس آفس پر ہٹ ثابت ہو گی لیکن یہ فلم بری طرح ناکام ہوئی اور اس نے صرف 2 کروڑ کمائے۔ کنگنا کو توقع نہیں ہوگی کہ فلم اس طرح ناکام ہوگی۔
بالی ووڈ میں اداکار ٹائیگر شیروف اپنے روپ، ایکشن اور ڈانس کے لیے جانے جاتے ہیں، ناظرین اکثر ان کے ایکشن اور ڈانس کو سرہا چکے ہیں۔ ٹائیگر شیروف اور کریتی سینن کی پہلی فلم ‘ہیروپنتی’ کو شائقین نے بے حد پسند کیا۔ اسی وقت، ‘ہیروپنتی-2 سال 2022 میں ریلیز ہوئی تھی، لیکن اسے ناظرین کا زیادہ پیار نہیں مل سکا، وہ اس سال فلاپ اداکاروں کی فہرست میں بھی شامل تھے۔
اسی طرح فلم ’’کبیر سنگھ‘‘ کی مقبولیت کے بعد جب شاید کپور اپنی فلم ’’جرسی‘‘ کے ساتھ سکرین پر آئے تو یہ بھی فلاپ ہی رہی۔ اس کے ساتھ ہی اداکار جان ابراہم کی فلم ‘اٹیک پارٹ 1’ اور ‘ایک ولن دوبارہ’ جس میں ان کے ساتھ اداکار ارجن کپور نظر آئے تھے، یہ فلم بھی فلاپ رہی۔ اداکار ورون دھون کی فلم ‘بھیڑیا’ بھی کچھ خاص نہیں کر پائی، البتہ ان کی فلم ‘جگ جگ جیو’ نے انھیں فلاپ اداکار کے طور پر نام آنے سے بچا لیا۔ ساتھ ہی اداکار راجکمار راؤ اور سدھارتھ ملہوترا بھی اپنی پرفارمنس سے شائقین کو لبھانے میں ناکام رہے۔
اداکار رنبیر کپور کی فلم ‘شمشیرا’ بڑا فلاپ رہی، جبکہ ‘براہمسترا’ نے انھیں کچھ سکون دیا۔ یہ سال صرف اداکار کارتک آرین اور تبو کے لیے تھا، جن کی فلم ‘بھول بھولیاں-2’ نہ صرف باکس آفس پر ہٹ ہوئی بلکہ ان کی اداکاری کو بھی خوب سراہا گیا۔ اداکار اجے دیوگن اس سال تین فلمیں لے کر آئے جن میں سے ‘رن وے 34’، ‘تھینک گاڈ’ اور ‘دریشیم 2’ جن میں سے صرف ‘دریشیام 2’ ہی کامیاب ہوئی۔ یوں 2022 بالی وڈ کے بیشتر اداکاروں کے لیے یہ سال ان کی کمائی کے حوالے سے برا رہا اور اس سال اگر کوئی کامیاب ہوا ہے تو وہ ساؤتھ فلموں کے سپر سٹارز۔
