بیرسٹرگوہر کی حکومت کوبنگلہ دیش کی طرح سڑکوں پرنکلنے کی دھمکی

چیئرمین تحریک انصاف بیرسٹرگوہرنےحکومت کو بنگلہ دیش کی طرح سڑکوں پرنکلنے کی دھمکی دیدی۔

چیئرمین تحریک انصاف بیرسٹرگوہرکاقومی اسمبلی میں اظہارخیال کرتے ہوئے کہنا تھا کہ جس دن  عمران خان نے سڑکوں پر نکلنے کا کہا تو لوگ بنگلہ دیش کو بھول جائیں گے۔پاکستان کو ’روانڈا‘ نہیں بنانا چاہتے۔عمران خان کی بھوک ہڑتال سے ڈرو، آگےبڑھنا ہےتو ہمیں ایک قدم پیچھے ہٹنا پڑا تو پیچھے ہٹ جائیں گے، ہماری جیت کی جنگ میں پارلیمان ہار جائے گی۔

بیرسٹر گوہر خان نےکہا کہ ہم ایک قدم آگےجاتےہیں توکوئی ناکوئی پیچھےآجاتاہے تو پھرہم 4 قدم پیچھے چلے جاتے ہیں۔اچھی طرح دیکھ لیں۔کیا پوری دُنیا اس بات کی گواہی نہیں دے رہی ہے کہ پاکستان تحریک انصاف کو اس وقت 70 فیصد پاکستانی عوام کی حمایت حاصل ہے۔

چیئرمین پی ٹی آئی بیرسٹرگوہرنےسپیکر کومخاطب کرتےہوئے کہا کہ میں وثوق سے کہتا ہوں کہ پاکستان کےیہ 70 فیصد عوام قیدی نمبر804 کےاشارےپراٹھتے ہیں۔

 بیرسٹر گوہرنےکہا کہ ہم باربارکہتےہیں کہ ہم اپنےذاتی مفادات کوبھول جائیں گے، یہ اقتدار آنی جانی چیز ہے، یہ قوم کی امانت ہے۔ہماری جیت کی جنگ میں یہ پارلیمان ہار جائے گا اور پھر ادھر کےادھر ہی کھڑےرہ جائیں گے۔

چیئرمین پی ٹی آئی بیرسٹر گوہرنےکہا کہ ایک نئی شروعات کی ضرورت ہو گی اگر ملک کو بچاناہے تو، اگر ہم نے یہ طاقت کسی تیسری قوت کو نہیں دینی تو پھر ایک قدم پیچھے بھی ہٹنا پڑےتو ہمیں پیچھے ہٹنا ہو گا۔

وزیراعظم کاایم این ایزکوعشائیہ:کل آئینی ترمیم کاعندیہ بھی دیدیا

بیرسٹرگوہرنےخواجہ آصف کو مخاطب کرتےہوئے کہا کہ خواجہ صاحب! بس بہت ہو گیا، یہ تفریق، اختلافات اور دوریاں ختم کریں۔ہم دل کھول کرآپ کے ساتھ بیٹھے ہیں۔ہمیں ’سپائلر اور ہیٹ فگر‘ نہیں بننا چاہیے، ہمیں تنہا کر کے آپ کو یہ مسائل حل کرنے چاہیں، اختلافات بھول کرآگے بڑھنا چاہیے۔