عدم پیشی پر علیمہ خان کے ساتویں مرتبہ ناقابل ضمانت وارنٹ گرفتاری جاری

26 نومبر احتجاج کیس میں انسداد دہشت گردی عدالت نے علیمہ خان کے ساتویں مرتبہ ناقابل ضمانت وارنٹ گرفتاری جاری کردیے۔

راولپنڈی کی انسدادِ دہشت گردی عدالت میں علیمہ خان سمیت 11 ملزمان کے خلاف کیس کی سماعت ہوئی، تاہم علیمہ خان اور ان کے وکلا ایک بار پھر پیش نہ ہوئے۔

علیمہ خان کی مسلسل عدم پیشی پر عدالت نے ان کے ساتویں مرتبہ ناقابل ضمانت وارنٹ جاری کردیے جب کہ علیمہ خان کے بینک اکاؤنٹ منجمدکرنے سے متعلق رپورٹ بھی عدالت میں پیش کی گئی۔

پیش کی گئی رپورٹ کے مطابق، علیمہ خان کے نام پر نمل یونیورسٹی سمیت مختلف فلاحی اداروں کے اکاؤنٹس موجود ہیں۔ جن بینکوں نے تاحال اپنی رپورٹس جمع نہیں کرائیں، عدالت نے اُنہیں نوٹسز جاری کردیے۔

بعد ازاں عدالت نے ساتویں مرتبہ علیمہ خان کے وارنٹ گرفتاری جاری کر دیے اور مقدمےکی سماعت 6 نومبر تک ملتوی کر دی۔علیمہ خان سمیت 11 ملزمان کے خلاف کے خلاف تھانہ صادق آباد میں مقدمہ درج ہے۔