چین میں میڈیکل کے2پاکستانی طلباکےچرچے
چین میں میڈیکل کی تعلیم حاصل کرنےوالے2پاکستانی طلبا یوسف خان اور رفیق اللہ کےچرچے،ہیروقرار دیدیاگیا۔
پاکستانی طلبا اُس دن سیاحت کےنیت سےریلوےسٹیشن پہنچے تھے جہاں ایک بزرگ شہری زمین پر گرےہوئےتھے اورپولیس اہلکار ارد گرد کھڑے تھے۔
خیال رہے کہ چین میں کسی بھی شخص کو بغیر اجازت ہاتھ لگانا غیر قانونی ہے چاہے یہ کام طبی امداد کیلئےہی کیوں نہ کیا جائے۔
میڈیکل کےطلبا ہونے کی وجہ سے یوسف اور رفیق پہلی نظر میں سمجھ گئے کہ بزرگ شہری کو فوری طبی امداد کی ضرورت ہے۔ اس کیلئےانھوں نے پولیس سے اجازت بھی لی۔زمین پر نیم بےہوش پڑے شخص کی نبض معمول سے کم رفتار میں چل رہی تھی، دل کی دھڑکن بےترتیب تھی اور سانس بھی اکھڑ رہی تھی۔
میڈیکل کالج کےفائنل ایئرکےطلبا ہونے کی حیثیت سے وہ دونوں یہ جان چکے تھے کہ یہ علامات دل کے دورےکی ہیں۔اس لیےانھوں نے ایک لمحہ ضائع کیے بغیر’کارڈیو پلمونری ری سسٹیکیشن‘ یعنی سی پی آرکرنے کا فیصلہ کیا۔
یوسف نے اپنےدونوں ہاتھ متاثرہ شخص کی چھاتی پر رکھ کر سی پی آر کرنا شروع کیا جب کہ رفیق نےوقفے وقفے سے منھ کے ذریعے سانس دی۔یہ عمل مسلسل دہرائے جانے کے چند ہی لمحوں میں متاثرہ شخص کی سانس بحال ہونا شروع ہو گئی اور یہ پورا واقعہ سی سی ٹی وی کمیروں میں محفوظ ہوگیا۔
سی سی ٹی وی فوٹیجز سوشل میڈیا پر وائرل ہوگئی اورصارفین نے پاکستانی طلبا کے جذبہ ہمدردی کو سراہا۔
