انجینئر محمد علی مرزا سات روزہ ریمانڈ پر این سی سی آئی اے کے حوالے
جہلم کے رہائشی اور خودساختہ متنازعہ مذہبی سکالر انجینئر محمد علی مرزا کو توہینِ مذہب کے مقدمے میں سات روزہ ریمانڈ پر نیشنل سائبر کرائم انویسٹی گیشن ایجنسی (این سی سی آئی اے) کے حوالے کر دیا گیا ہے۔
ذرائع کے مطابق محمد علی مرزا کو ابتدا میں 26 اگست کو ڈپٹی کمشنر جہلم کے حکم پر مینٹیننس آف پبلک آرڈر (ایم پی او) کے سیکشن 3 کے تحت حراست میں لے کر ضلعی جیل منتقل کیا گیا تھا۔ بعد ازاں ایک مذہبی جماعت کے کارکن کی شکایت پر تھانہ سٹی جہلم میں ان کے خلاف پاکستان پینل کوڈ کی دفعہ 295-سی اور پیکا 2016 کی دفعہ 11 کے تحت مقدمہ درج کیا گیا۔
ریٹائرڈ ججز کے سکیورٹی پیکیج پر اعتراض، خواجہ آصف اور سعد رفیق پھٹ پڑے
تازہ پیش رفت میں ملزم کو سخت سیکیورٹی حصار میں راولپنڈی لایا گیا اور سینئر سول جج وقار حسین گوندل کے روبرو پیش کیا گیا۔ عدالت نے ان کا ریمانڈ منظور کرتے ہوئے حکم دیا کہ 19 ستمبر کو دوبارہ پیش کیا جائے، جبکہ تفتیش 18 ستمبر تک مکمل کرنے کی ہدایت کی گئی ہے۔
این سی سی آئی اے کے ذرائع کے مطابق ملزم سے تفتیش جاری ہے۔
