وفاقی حکومت کے قرضے 76 ہزار 45 ارب روپے کی نئی بلند ترین سطح پر پہنچ گئے
سٹیٹ بینک کی جانب سے جاری اعداد و شمار کے مطابق وفاقی حکومت کے قرضے تاریخ کی نئی بلند ترین سطح 76 ہزار 45 ارب روپے تک پہنچ گئے ہیں۔
سٹیٹ بینک نے مئی 2025 تک کے قرضوں سے متعلق تازہ اعداد و شمار جاری کردیے ہیں۔رپورٹ کے مطابق وفاقی حکومت کا مقامی قرضہ 53 ہزار 460 ارب روپے جب کہ بیرونی قرضہ 22 ہزار 585 ارب روپے ریکارڈ کیا گیا ہے۔
رپورٹ کے مطابق ایک سال کے دوران وفاقی حکومت کے قرضوں میں 8 ہزار 312 ارب روپے کا اضافہ ہوا۔ مالی سال 2024-25 کے ابتدائی 11 ماہ کے دوران قرضے میں 7 ہزار 131 ارب روپے کا اضافہ ہوا، جب کہ صرف مئی کے مہینے میں قرضوں میں 1,109 ارب روپے کا اضافہ ہوا۔
سرکاری ملازمین کی تنخواہوں میں 10 فیصد اضافہ، 30 فیصد الاؤنس کا نوٹیفکیشن جاری3
جون 2024 سے مئی 2025 تک وفاقی حکومت کے مجموعی قرضے میں 8 ہزار 312 ارب روپے کا اضافہ ہوا، جس کےبعد مجموعی حجم 76 ہزار 45 ارب روپے تک پہنچ گیا۔ مئی 2024 میں قرضہ 67 ہزار 733 ارب، جون 2024 میں 68 ہزار 914 ارب اور اپریل 2025 میں 74 ہزار 936 ارب روپے تھا۔
