بجلی کے ترسیلی نظام  میں بہتری اولین ترجیح ہے،شہبازشریف

وزیراعظم شہبازشریف کاکہنا ہے کہ ملک میں بجلی چوری کی روک تھام،ترسیلی نظام میں بہتری  اولین ترجیح ہے۔

وزیراعظم محمد شہباز شریف  کی زیر صدارت وزارت توانائی ، پاور ڈویژن کے امور پر جائزہ اجلاس وزیر اعظم ہاؤس  اسلام آباد میں منعقد ہوا۔

وزیراعظم شہبازشریف کااجلاس سے خطاب کرتے ہوئے کہنا تھا کہ حال ہی میں بجلی کی ترسیل کی  پانچ کمپنیوں میں نئے بورڈ چئیرمین اور ممبران کی تعیناتی ایک شفاف عمل کے ذریعے کی گئی ہے ،  امید ہے ان نئی تعیناتیوں سے ڈسکوز کی کارکردگی میں بہتری آئے گی۔

وزیراعظم نے وفاقی وزیر پاور اور وفاقی سیکرٹری پاور کو بجلی تقسیم کار کمپنیوں کی کارکردگی ، انسداد بجلی اور دیگر معاملات پر  چاروں صوبوں کا دورہ کرنے اور صوبائی حکومتوں سے رابطہ کرنے کی ہدایت کردی

وزیراعظم نے کہا کہ انسداد بجلی چوری کے لئے ہول آف دی گورنمنٹ اپروچ اپنائی جائے۔

 وزیراعظم نے صوبائی حکومتوں کو انسداد بجلی چوری کے حوالے سے پولیس فورس اور تحصیلداروں کی تعداد ڈسکوز کی ضرورت کے مطابق پوری کرنے کی ہدایت کردی ۔

 شہبازشریف نے کہا کہ ڈسٹری بیوشن کمپنیوں میں موجود کرپٹ عناصر سے سختی سے نمٹا جائے گا اور ان کے خلاف بھرپور کارروائی کی جائے گی

وزیراعظم نے ڈسکوز کی عوامی شکایات کے ازالے کے حوالے سے  کچہریوں کے نظام کو مؤثر اور نتیجہ خیز بنانے کی ہدایت کردی ۔

وزیراعظم نے بلوچستان کے زرعی ٹیوب ویلوں کی شمسی توانائی پر منتقلی کے حوالے سے بنائی گئی اسٹیئرنگ کمیٹی کا اجلاس فی الفور طلب کرنے کی ہدایت کردی ۔

وزیراعظم کو پاور ڈویژن کے مختلف امور پر بریفنگ دی گئی۔

مریم نوازکی آئی ٹی سٹی میں برطانوی اداروں کو سرمایہ کاری کی دعوت

بریفنگ میں بتایاگیا کہ بلوچستان کے زرعی ٹیوب ویلوں کی شمسی توانائی پر منتقلی کے حوالے سے ایس او پیز اور اسٹیئرنگ کمیٹی کو نوٹیفائی کر دیا گیا ہے۔اچھی کارکردگی دکھانے والے افسران کی پزیرائی کے حوالے سے پیکج تیار کیا جا رہا ہے۔