جعلی ڈگری کیس : جسٹس طارق محمود جہانگیری کو کام سے روک دیا گیا
جعلی ڈگری کیس میں جسٹس طارق محمود جہانگیری کو اسلام آباد ہائی کورٹ کے ڈویژن بینچ نے جوڈیشل ورک سے روک دیا۔
اسلام آباد ہائی کورٹ کے چیف جسٹس سردار سرفراز ڈوگر اور جسٹس اعظم خان پر مشتمل دو رکنی ڈویژن بینچ نے جسٹس طارق محمود جہانگیری کو سپریم جوڈیشل کونسل کے فیصلے تک کام سے روکنے کا حکم دیا اور مبینہ جعلی ڈگری کیس میں دو عدالتی معاون بھی مقرر کر دیے۔
سابق اٹارنی جنرل اشتر اوصاف اور سنئیر قانون دان بیرسٹر ظفر اللہ خان عدالتی معاونین میں شامل ہیں۔عدالت نے اٹارنی جنرل پاکستان کو معاونت کےلیے نوٹس جاری کردیا،اٹارنی جنرل سے کیس کے قابل سماعت ہونے سے متعلق معاونت طلب کی گئی ہے،عدالت نے تحریری حکمنامہ جاری کردیا۔
