غزہ پٹی کے تمام علاقے کا کنٹرول سنبھال لیں گے ، اسرائیلی وزیر اعظم

اسرائیلی وزیراعظم نیتن یاہو نےکہا ہے کہ بہت جلد  اسرائیلی فوج غزہ پٹی کا مکمل کنٹرول حاصل کرلےگی۔

عرب میڈیا کےمطابق غزہ پر اسرائیلی کے ٖفضائی حملے اور زمینی آپریشن جاری ہے اور ایسے میں اسرائیلی وزیراعظم نیتن یاہو نے اعلان کیا ہےکہ اسرائیلی فوج غزہ پٹی کا مکمل کنٹرول حاصل کرلےگی۔

نیتن یاہو نےکہا کہ غزہ میں لڑائی شدید ہے، ہم پیشرفت کر رہے ہیں اور ہم غزہ پٹی کے تمام علاقے کا کنٹرول سنبھال لیں گے۔

کرتارپور راہداری 9 روز سےبند، دربار انتظامیہ کا مودی حکومت سے راہداری کھولنے کا مطالبہ

دوسری جانب خلیجی میڈیا کا بتانا ہےکہ اسرائیلی فورسز نےایک گھنٹے کے دوران غزہ میں 30 فضائی حملے کیے ہیں جن میں صبح سے 32 فلسطینی شہید ہوگئے ہیں جب کہ اسرائیلی فوج نے شہریوں کو خان یونس سے بھی انخلا کا حکم دیا ہے۔

واضح رہے کہ نیتن یاہو سے قبل امریکی صدر ٹرمپ نےبھی غزہ پٹی کا کنٹرول سنبھالنے اور فلسطینیوں کو کسی اور جگہ منتقل کرنے کا اعلان کیا تھا مگر عالمی دباؤ کی وجہ سے وہ بعد ازاں اپنے بیان سے پیچھے ہٹ گئے تھے۔