کنگنارناوت نے جیابچن کو ”لڑاکامرغی“قرار دیدیا
بی جے پی کی رکن پارلیمان اور اداکارہ کنگنا رناوت نے سماج وادی پارٹی کی رہنما اور سینئر اداکارہ جیا بچن کو ’ لڑاکامرغی ‘ اور ’شرمندگی کی علامت‘ قرار دیا۔
حال ہی میں سوشل میڈیا پر ایک ویڈیو وائرل ہوئی جس میں نئی دہلی کے کونسٹیٹیوشن کلب کے باہر ایک شخص نے جیا بچن کے ساتھ سیلفی لینے کی کوشش کی، تاہم جیا بچن نے ناراضی کا اظہار کرتے ہوئے اسے دھکا دے دیا۔ دھکا لگنے پر شخص پیچھے ہٹ گیا اور ساتھ ہی جیا بچن سے معذرت بھی کی۔
ویڈیو پر ردعمل ظاہر کرتے ہوئے کنگنا رناوت نے انسٹاگرام اسٹوری میں لکھا کہ لوگ جیا بچن کی ’بکواس‘ اس لیے برداشت کرتے ہیں کیونکہ وہ امیتابھ بچن کی اہلیہ ہیں۔ ان کے مطابق جیا بچن ’سب سے زیادہ بگڑی ہوئی، مراعات یافتہ اور شرمندگی کی علامت خاتون‘ ہیں۔
کنگنا نے مزید طنز کیا کہ سماج وادی پارٹی کی ٹوپی مرغے کی کلغی جیسی لگتی ہے اور جیا بچن کو ’لڑاکا مرغی‘ سے تشبیہ دی۔ انہوں نے اس صورتحال کو ’انتہائی شرمناک‘ قرار دیا۔
جیا بچن کی جانب سے کنگنا رناوت کے ان بیانات پر کوئی ردعمل تاحال سامنے نہیں آیا۔
