ٹرمپ سے جی سیون اجلاس کی سائیڈ لائن پرمودی کی پرچی تھامےملاقات
فرانس میں جاری جی سیون سربراہی اجلاس کی سائیڈ لائن پر امریکی صدر ٹرمپ اور بھارتی وزیر اعظم نریندر مودی کی مطالبات کی پرچی تھامے ملاقات ہوئی۔
ملاقات کے بعد میڈیا سے گفتگو کرتے ہوئے امریکی صدر ڈونلڈ ٹرمپ نے کہا ہے کہ ان کی بھارتی وزیراعظم نریندر مودی کے ساتھ بہت اچھی گفتگو ہوئی ہے اور دونوں ممالک کے درمیان تجارتی معاہدوں پر کام جاری ہے۔
ٹرمپ نے یہ بھی کہا کہ امریکا بھارت کا دفاع کرے گا۔ انہوں نے مودی کی جانب اشارہ کرتے ہوئے کہا کہ ’اگر ان پر حملہ ہوا تو ہم ان کی مدد کے لیے موجود ہوں گے‘۔
امریکی صدرنے مزید کہا، ’اگر کوئی اس شخص (مودی) پر حملہ کرے گا تو ہم وہاں ہوں گے‘۔ تاہم ساتھ ہی انہوں نے یہ بھی کہا کہ اگر کوئی نیا رہنما آتا ہے تو پھر صورتحال مختلف ہو سکتی ہے۔
