این ڈی ایم اے نے بارشوں کانیاالرٹ جاری کردیا
نیشنل ڈیزاسٹر مینجمنٹ اتھارٹی نے ملک کے مختلف علاقوں میں بارشوں، آندھی، اور ممکنہ سیلاب کے پیش نظر نیا الرٹ جاری کر دیا ہے۔
ترجمان این ڈی ایم اے کے مطابق اسلام آباد، راولپنڈی، اٹک، جہلم، چکوال، میانوالی، سرگودھا، خوشاب، گوجرانوالہ، گجرات اور فیصل آباد میں آندھی اور گرج چمک کے ساتھ بارش کا امکان ہے۔
اسی طرح لاہور، قصور اور اوکاڑہ میں بھی آندھی و طوفان کے ساتھ بارش متوقع ہے، جب کہ ملتان، خانیوال، بہاولپور، بہاولنگر، رحیم یارخان اور ڈیرہ غازی خان میں تیز ہواؤں کے ساتھ بارش کی پیشگوئی کی گئی ہے۔
خیبرپختونخوا کے علاقوں دیر، سوات، چترال، کوہستان، شانگلہ، بونیر، بٹگرام، صوابی، نوشہرہ، چارسدہ، ملاکنڈ، مانسہرہ، ایبٹ آباد، پشاور، مردان، ہری پور، بنوں اور کوہاٹ میں گرج چمک کے ساتھ موسلادھار بارش کا امکان ظاہر کیا گیا ہے۔
گلگت بلتستان کے علاقوں گلگت، اسکردو، ہنزہ، استور، دیامر، گانچھے اور شگر میں شدید بارشوں اور سیلابی صورتحال کا خدشہ موجود ہے۔
آزاد کشمیر کے علاقوں مظفرآباد، وادی نیلم، راولا کوٹ، حویلی اور باغ میں بھی موسلا دھار بارش اور ممکنہ سیلاب کے امکانات ہیں۔
سندھ میں سکھر، نوابشاہ، کشمور، حیدرآباد، کراچی، تھرپارکر، میرپورخاص، عمرکوٹ، سانگھڑ، جامشورو، ٹنڈوالہ یار، ٹھٹہ، بدین اور مٹھی میں بارش کا امکان ظاہر کیا گیا ہے، جبکہ گھوٹکی، خیرپور، شکارپور، لاڑکانہ، جیکب آباد اور دادو میں بھی شدید بارشیں متوقع ہیں۔
بلوچستان کے علاقوں کوئٹہ، ژوب، زیارت، قلات، خضدار، آواران، بارکھان، جعفرآباد، کوہلو، سبی، ڈیرہ بگٹی، لورالائی، لسبیلہ اور نصیرآباد میں بھی بارشوں کا امکان ہے۔
این ڈی ایم اے نے خبردار کیا ہے کہ شہری علاقوں میں اربن فلڈنگ جبکہ پہاڑی علاقوں میں لینڈ سلائیڈنگ اور ندی نالوں میں طغیانی کا خطرہ موجود ہے، عوام احتیاطی تدابیر اختیار کریں۔
