ایران پر امریکی حملوں میں پاکستانی فضائی حدود کا استعمال نہیں کیا گیا ، سیکیورٹی ذرائع

امریکا کے ایرانی  ایٹمی تنصیبات پر حملوں میں پاکستانی فضائی حدود استعمال نہیں کی گئی ۔

سیکیورٹی ذرائع  کے مطابق امریکی بی ٹو بمبار طیاروں نے پاکستانی فضائی حدود استعمال نہیں کی، ایران کےخلاف فضا، زمین یا اپنا سمندر استعمال کرنے کی بھی اجازت نہیں دی ۔

واضح رہے کہ حملے کے بعد سوشل میڈیا پر پاکستان مخالف مہم شروع کردی گئی ہے۔

سیکیورٹی ذرائع کے مطابق  پاکستان نے تمام عالمی فورمز پرایران پراسرائیلی حملوں کی مذمت کی ہے ، اسرائیلی جارحیت پر پاکستان ایران کی سیاسی، اخلاقی اور سفارتی حمایت کرتا ہے۔

اقوام متحدہ چارٹر آرٹیکل 51 کے تحت ایران کے حقِ دفاع کی مکمل حمایت کرتے ہیں ، اسحٰق ڈار

سیکیورٹی ذرائع نے واضح کیا ہے  کہ پاکستان کسی بلاک سیاست یا دوسرے ملک کےفوجی تنازع کاحصہ نہیں بنے گا،  اور نا ہی کسی کی جنگ میں اپنی زمین استعمال کرنے دے گا ۔

واضح رہے کہ پاکستانی وزارت خارجہ نے بھی پر امن ایرانی جوہری توانائی کی تنصیبات پرامریکی حملے کی مذمت کی اور کہا ہےکہ ایران کو اپنےدفاع کے تمام حقوق حاصل ہیں۔