ایران میں پھنسے پاکستانی خصوصی پرواز سے پاکستان پہنچ گئے

ایران اسرائیل جنگ کے باعث ایران میں پھنسے 150 پاکستانی زائرین پی آئی اے کی خصوصی پرواز سے ترکمانستان کے دارالحکومت اشک آباد سے اسلام آباد پہنچ گئے۔

ذرائع کےمطابق پاکستانی وزارت خارجہ کی درخواست پر قومی ائیر لائن نے ایک طیارہ فوری طور پر پشاور سے ترکمانستان کے دارالحکومت اشک آباد بھیجا تھا۔

ایرانی فضائی حدود بند ہونےکی وجہ سے زائرین کو ایران سے بذریعہ سڑک اشک آباد پہنچایا گیا جہاں پی آئی اے کا طیارہ پہلے سے موجود تھا۔

قومی ائیر کی پرواز پی کے 9552 میں رات گئے 150 سےزائد زائرین اسلام آباد پہنچے۔ پاکستانی سفارتی عملے کے اہل خانہ کو بھی اس پرواز میں اسلام آباد لایاگیا۔