وزیراعظم عرب اسلامی سربراہی کانفرنس میں شرکت کیلئے آج قطر روانہ ہوں گے
وزیراعظم شہباز شریف آج قطر کے دورے پر روانہ ہوں گے۔
دوحہ میں عرب اسلامی سربراہی کانفرنس ہنگامی طور پر طلب کی گئی ہے جس میں وزیراعظم پاکستان بھی شرکت کریں گے، جب کہ وزیر خارجہ اسحاق ڈار پہلے سے ہی قطر میں موجود ہیں۔
یہ اجلاس اسرائیل کے فضائی حملوں، فلسطین میں بڑھتی کشیدگی اور فلسطینیوں کو زبردستی بے گھر کرنے کے واقعات کے تناظر میں بلایا گیا ہے۔ او آئی سی کے رکن ممالک کے سربراہان مملکت اور اعلیٰ حکام کی بھی شرکت متوقع ہے۔
خیال رہے کہ ایک ہفتہ قبل اسرائیل نے دوحہ میں حماس رہنماؤں کو نشانہ بنانے کی کوشش کی تھی تاہم حماس کی مرکزی قیادت محفوظ رہی۔
اسرائیلی حملے کے بعد پاکستان سمیت متعدد ممالک نے قطر کے ساتھ اظہار یکجہتی کرتے ہوئے اس کارروائی کی شدید مذمت کی تھی۔
