تحریک انصاف کے رہنما و سابق وفاقی وزیر فواد چوہدری نے کا ہے کہ آرمی چیف تعیناتی پر سزا یافتہ کیسے مشاورت کر سکتا ہے،تاہم اداروں کو سوچنا ہو گا کہ عزت کیسے برقراررکھنی ہے۔

اسلام آباد میں میڈیا سے غیر رسمی گفتگو میں انکا کہنا تھا کہ اس وقت جو صورتحال ہے وہ انتخابات یا انقلاب کی طرف جائے گی، پنجاب کابینہ اور پارلیمانی پارٹی حقیقی آزادی کے لئے عوام کے ساتھ یکجا ہو، انتخابات پاکستان کا سب سے اہم مسئلہ ہے۔

انہوں نے کہا مہنگائی کے حالات سے کمر ٹوٹ گئی ہے یہ سیاسی استحکام سے ممکن ہو گا، ملک آئین کے مطابق چلتا ہے پی ڈی ایم کی جانب سے جو عبوری حکومت کو چھ سات ماہ دینے کا کہا ملک ایسے نہیں چلے گا۔

پی ٹی آئی رہنما کاکہناتھا امید ہے معاملہ لانگ مارچ تک نہیں پہنچے گا، انتخابات پی ٹی آئی سے زیادہ پاکستان کا مسلہ ہے، پی ڈی ایم انتخابات کے لیے راضی ہو، باقی فریم ورک بیٹھ کت طے کرلیں گے۔

کسی کا دبائوقبول نہیں ، الیکشن وقت پرہوں گے،نواز،شہبازملاقات

فواد چوہدری نے کہا سیاسی کردار کو کم کرنا اداروں کے مفاد میں ہے، اداروں کا اس وقت بہت بڑا سیاسی کردار ہے، ضروری ہے کہ سیاسی جماعتیں اور ادارے ایک پیج پر ہوں، مذاکرات ہوں یا بات چیت ہو وہ عوام کے سامنے ہو کیونکہ میڈیا کے سامنے ہو، بند کمروں میں فیصلوں کا وقت گزر گیا ہے۔