عمران خان کی ضمانت کی اپیلوں پر سماعت کرنے والا سپریم کورٹ بینچ تبدیل

پاکستان تحریک انصاف کے بانی چیئرمین عمران خان کے 9 مئی کے مقدمات میں ضمانت کی درخواستوں پر سماعت کرنے والا سپریم کورٹ کا بینچ تبدیل کر دیا گیا ہے۔

چیف جسٹس آف پاکستان یحییٰ آفریدی کی سربراہی میں قائم تین رکنی بینچ میں ردوبدل کیا گیا ہے، جس کے تحت جسٹس میاں گل حسن اورنگزیب کی جگہ جسٹس حسن اظہر رضوی کو شامل کیا گیا ہے۔

بیرسٹر گوہر کا 9 مئی پر معافی سے متعلق بیان حقائق کے منافی ہے ، ترجمان پی ٹی آئی

تبدیل شدہ بینچ چیف جسٹس یحییٰ آفریدی کی سربراہی میں آج صبح ساڑھے 10 بجے سماعت کرے گا۔

واضح رہے کہ گزشتہ روز اسپیشل پراسیکیوٹر ذوالفقار نقوی کی طبیعت ناساز ہونے کے باعث سماعت نہیں ہو سکی تھی، جس پر عدالت نے آج کے لیے دوبارہ سماعت کا حکم جاری کیا تھا۔