ٹی20 ایمرجنگ ٹیمز ایشیا کپ:پاکستان شاہینزسیمی فائنل میں پہنچ گئے
اے سی سی ٹی20ایمرجنگ ٹیمز ایشیا کپ میں یو اے ای کو یک طرفہ مقابلے کے بعد شکست دے کر پاکستان شاہینز کی ٹیم سیمی فائنل میں پہنچ گئی۔
عمان کےشہرالعامرات میں کھیلےگئےمیچ میں شاہینزنےپہلےبیٹنگ کرتے ہوئے 4 وکٹوں پر179رنزبنائے۔کپتان محمد حارث71اورحیدر علی32رنزبنا کر ناقابلِ شکست رہے۔یاسرخان نے25، قاسم اکرم نے23اورعمیر یوسف نے21 رنز بنائے۔
180رنزکے ہدف کے تعاقب میں یو اے ای کی ٹیم17ویں اوورز میں65 رنز بنا کر آل آؤٹ ہوگئی۔اماراتی ٹیم کے کپتان راہول چوپڑا 20رنز بنا کر نمایاں رہے۔
راولپنڈی ٹیسٹ : پاکستان نے پلئینگ الیون کا اعلان کردیا
شاہینز کے شاہنواز داہانی نے12رنز دےکر 5 وکٹیں لیں اور ٹیم کی اس اہم جیت میں کلیدی کردار ادا کیا۔
انکےعلاوہ سفیان مقیم نےدو، احمد دانیال،عباس آفریدی،عرفات منہاس نے ایک، ایک وکٹ حاصل کی۔
