پاکستان سپر لیگ 10 کے لوگو کی رونمائی کردی گئی

پاکستان کرکٹ بورڈنے پاکستان سپر لیگ کے10ویں ایڈیشن کےلوگو  کی رونمائی کردی ۔

پی ایس ایل کا 10واں ایڈیشن 8 اپریل سے 19 مئی 2025 تک منعقد ہوگا  اور یہ ایونٹ اس لحاظ سے خاص ہے کہ یہ اپنے10سال مکمل کررہا ہے۔نئے لوگو میں 6 بولڈ اور ایک دوسرے سے جڑی ہوئی لائنز نمایاں ہیں، جو پی ایس ایل کی 6 فرنچائزز کو خراج تحسین پیش کرتی ہیں۔لوگو میں رومن ہندسہ ایکس عددی نمبر 10 نمایاں ہے۔

چیف ایگزیکٹیو پی ایس ایل سلمان نصیر نے کہا کہ  پی ایس ایل صرف ایک کرکٹ لیگ نہیں بلکہ یہ قومی جذبے کا آئینہ دار ہے جس نے قوم کو متحد کر رکھا ہے، 10ویں ایڈیشن میں شائقین کو کرکٹ کے یادگار لمحوں کا لطف اٹھانے کا موقع ملے گا۔یہ ایونٹ پاکستان میں کرکٹ کے چاہنے والوں کے لیے ایک اور شاندار موقع ثابت ہونے والا ہے۔