لاس اینجلس کے جنگلات میں لگی آگ سے ہزاروں گھر جل گئے

امریکی ریاست کیلی فورنیا کےشہر لاس اینجلس کےمضافاتی علاقے پیسفک پلیسیڈز میں لگنےوالی آگ مسلسل پھیلتی جارہی ہے، 10 ایکڑ پر لگنےوالی آگ تیز ہواؤں کےباعث اب کئی ہزار ایکڑ تک پھیل چکی ہے۔

امریکی شہرلاس اینجلس میں موجود جنگلات میں لگنے والی آگ سےہلاک افراد کی تعداد 5 ہوگئی جبکہ آگ سےنقصانات کا تخمینہ 50 ارب ڈالر سےبھی زائد ہوگیا۔

آگ سےاب تک 5 افراد ہلاک اوردرجنوں زخمی ہوگئے جبکہ ایک ہزارسےزائد گھر اور کاروباری مراکز راکھ کا ڈھیر بن گئے ہیں۔

رپورٹ کےمطابق آگ کے شعلوں نے التادینا علاقے کی مسجد التقوی کوبھی لپیٹ میں لےلیاجبکہ ہالی وڈ کی مشہور شخصیات کےاربوں روپےمالیت کے گھربھی تباہ ہوگئے۔

آگ اس قدر ہےکہ اسےبجھانے کیلئے اہلکار اور پانی کم پڑگیا جبکہ لاکھوں افراد متاثرہ علاقہ خالی کرنے پر مجبورہوگئے۔

لاس اینجلس کے مضافاتی علاقوں میں آتشزدگی، ہزاروں افراد گھر چھوڑنے پر مجبور

رپورٹ کےمطابق آگ لگنےکی وجوہات سامنے نہ لائی جاسکیں۔آگ بھڑکنےکی وجہ سےلاس اینجلس شہر کی فضا خطرناک حدتک آلودہ ہوگئی۔

امریکی میڈیا کا کہنا ہےآگ سے ہزاروں گھر اور کاروباری مراکز جل کر خاک ہوگئے،آگ سےنقصانات کا تخمینہ 50 ارب ڈالرسےبھی زائد ہو چکا ہے۔

ادھر آگ کےباعث علاقہ مکینوں کے گھر چھوڑنے پر لٹیروں کی چاندی ہوگئی،خالی گھروں میں لوٹ مارکے واقعات بھی رپورٹ ہورہے ہیں۔