ٹی20ورلڈ کپ، بڑا اپ سیٹ، امریکہ نے پاکستان کو شکست دے دی
امریکہ میں جاری آئی سی سی ٹی20 ورلڈ کپ کے 11ویں میچ میں پاکستان کو امریکہ نے سُپر اوور میں شکست دے دی۔
امریکہ نے سپر اوور میں پاکستان کو جیت کیلئے 19 رنز کا ہدف دیا تھا جس کے تعاقب میں پاکستان صرف 13 رنزہی بنا سکا۔ جس کی وجہ سے پاکستان میچ ہار گیا۔
اس سے قبل امریکہ کو میچ جیتنے کے لیے آخری گیند پر 5 رنز درکار تھے۔ امریکی بیٹر نتیش کمار نے حارث رؤف کو چوکا مار کر میچ برابر کیا تھا۔
امریکہ نے 159 رنز کے تعاقب کا آغاز کیا تو پاکستانی باولرز کو مشکل میں ڈال دیا۔پہلے پانچ اوورز تک امریکی اوپنرز موننک پٹیل اور سٹیون ٹیلر نے باہمی شراکت داری میں رنز بنائے۔امریکہ کو پہلا نقصان سٹیون ٹیلر کی صورت میں اس وقت اٹھانا پڑا جب ٹیم کا مجموعی سکور 36 رنز تھے۔
اس کے بعد 13 ویں اوور تک پاکستانی بولرز کسی بھی بیٹر کو پویلین بھیجنے میں ناکام رہے تاہم 14 ویں اوور میں حارث رؤف نے آندریز گوس کو بولڈ کیا۔امریکہ کی جانب سے آندریز گوس 35، موننک پٹیل 50، ایرون جونز 36 جبکہ نتیش کمار 14 رنز کے ساتھ نمایاں رہے۔
قبل ازیں پاکستان نے میزبان امریکا کو جیت کیلئے 160 رنز کا ہدف دیا تھا ۔پاکستان نے مقررہ 20 اوورز میں 7 وکٹوں کے نقصان پر 159 رنز بنائے،کپتان بابر اعظم 44 اور شاداب 40 رنز کے ساتھ نمایاں رہے۔
ڈیلس میں گروپ اے کے کھیلے جارہے میچ میں امریکا کے کپتان مونانک پٹیل نے ٹاس جیت کر پاکستان کو پہلے بیٹنگ کی دعوت دی۔
بیرون ملک پناہ لینے والوں کو پاسپورٹ جاری نہ کرنے کا فیصلہ
امریکا کے خلاف پاکستان کو مشکلات درپیش رہیں۔ پاکستان کی 6 وکٹیں 125 رنز پر گر گئیں۔قومی ٹیم کے 3 ٹاپ آرڈر بیٹرز پاورر پلے میں 26 رنز کے مجموعی اسکور پر آؤٹ ہوئے۔ محمد رضوان 9، عثمان خان 3 اور فخر زمان 11 رنز بناکر پویلین لوٹے جبکہ شاداب 40 اور اعظم خان صفر پر آؤٹ ہوئے۔ اس کے علاوہ بابر اعظم 43 گیندوں پر 44 رنز بناکر آؤٹ ہوئے۔
واضح رہے کہ امریکا کے خلاف میچ میں پاکستان نے 4 فاسٹ بولرز کھلانے کا فیصلہ کیا تھا۔قومی ٹیم میں کپتان بابر اعظم، اعظم خان، فخر زمان ، حارث رؤف، افتخار احمد، محمد عامر، محمد رضوان، نسیم شاہ، شاداب خان ، شاہین آفریدی اور عثمان خان شامل تھے۔
پاکستان سے میچ کے لیے امریکی ٹیم کی قیادت مونانک پٹیل کر رہے تھے۔امریکی ٹیم میں ایرون جونز ، اسٹیون ٹیلر، آندریس غوث ، نوتوش کینجی، محمد علی خان ، جیسی خان ، کورے اینڈرسن،نتیش کمار، ہرمیت سنگھ اور سوراب نریش شامل تھے۔
پاکستان نے رواں ایونٹ میں اپنا پہلا میچ کھیلا ہے جبکہ امریکا نے ٹی ٹوئنٹی ورلڈکپ کے پہلے میچ میں کینیڈا کو شکست دی تھی۔
