امریکی ٹیرف غیرمنصفانہ،بلاجواز،غیرمناسب ہے،بھارت

ترجمان بھارتی وزارت خارجہ کاکہناہے کہ امریکی صدرڈونلڈٹرمپ کی جانب سے روسی تیل خریدنےپرعائدجانےوالا25فیصدٹیرف غیرمنصفانہ،بلاجوازاورغیرمناسب ہے۔

بھارتی میڈیا کے مطابق وزارتِ خارجہ نے ڈونلڈ ٹرمپ کے اس اقدام پر اعلامیہ جاری کیا ہے جس میں اس فیصلے کو غیر مناسب قرار دیتے ہوئے اپنی ملکی مفادات اور اقتصادی سلامتی کو محفوظ رکھنے کے لیے ہر ضروری قدم اٹھانے کے عزم کا اظہار کیا گیا ہے۔

بھارتی وزارت خارجہ کے بیان میں کہا گیا ہے کہ بھارت اپنے قومی مفاد کے تحفظ کے لیے تمام ضروری اقدامات کرے گا۔ امریکا نے روس سے تیل خریدنے پر اضافی 25 فیصد محصولات (ٹیرف) عائد کیا ہے حالانکہ یہی درآمدات دیگر ممالک بھی اپنے قومی مفاد میں کر رہے ہیں۔

امریکی صدر ڈونلڈ ٹرمپ نے روس سے تیل کی خریداری بند نہ کرنے پر بھارت کی درآمدی اشیا پر مزید 25 فیصد اضافی ٹیرف عائد کردیا جو اب مجموعی طور پر 50 فیصد ہوگیا۔