ٹرمپ سے بلا وجہ توقعات نہیں باندھنی چاہئیں : شاہ محمود قریشی
رہنما پی ٹی آئی شاہ محمود قریشی کا کہنا ہے کہ لوگوں کو بلا وجہ امریکی صدر ڈونلڈ ٹرمپ سے توقعات نہیں باندھنی چاہئیں۔
اڈیالہ جیل میں میڈیا سے گفتگو کرتے ہوئے رہنما پی ٹی آئی شاہ محمود قریشی نے کہا کہ انہیں رہائی اپنے مؤقف اور مقدمات کی پیروی سے مل سکتی ہے۔
شاہ محمود قریشی نے کہا کہ عمران خان کے آرمی چیف کو لکھے خط کے بارے میں سنا ہےدیکھا نہیں، عمران خان نے خط میں وجوہات اور تجاویز بیان کی ہیں جنہیں مثبت انداز میں دیکھاجائے۔
ان کاکہنا تھا کہ پیپلز پارٹی اور ن لیگ نے مل کر جمہوریت کو نقصان پہنچایا،انہوں نے پیکا ایکٹ میں ترمیم کر کے ملک میں آزادیٔ اظہار رائےکا گلا گھونٹا،آصف علی زرداری اور بلاول کو آئین کا حلیہ بگاڑنے کےطور پر یاد رکھا جائے گا۔
