گوگل پر سب سے زیادہ سرچ کی جانے والی پاکستانی اداکارائیں کون؟

دنیا کے مقبول ترین سرچ انجن گوگل نے خوبصورت پاکستانی اداکارہ ماہرہ خان کو پاکستان میں اپنے سرچ انجن پر سب سے زیادہ دیکھی جانے والی اداکارہ قرار دے دیا ہے۔ گوگل نے سال 2020 کی پاکستان میں سب سے زیادہ سرچ کی جانے والی پاکستانی اداکاراؤں کی فہرست مرتب کی ہے۔ جس میں سرچ کی جانے والی ٹاپ ٹین اداکاراؤن کی کیٹیگری میں ماہرہ خان نمبر ون رہی ہیں ماہرہ کو رواں سال گوگل پر ایک ماہ میں 2لاکھ 54 ہزار مرتبہ سرچ کیا گیا ہے جب کہ دوسرے نمبر پر اداکارہ اقراء عزیز اور تیسرے نمبر پر اداکارہ علیزے شاہ رہی ہیں۔ آئیے آپ کو گوگل کی مرتب کی گئی ٹرینڈ لسٹ بارے بتاتے ہیں۔
پاکستان شوبز انڈسٹری کی خوبرو اداکارہ ماہرہ خان کو رواں سال ایک ماہ میں گوگل پر سب سے زیادہ سرچ کیا گیا ہے، سپر اسٹار ماہرہ خان کے نام کو ایک ماہ میں سرچ انجن پر 2 لاکھ 54 ہزار مرتبہ سرچ کیا گیا۔
پاکستان شوبز انڈسٹری میں کم عرصے میں بے شمار شہرت حاصل کرنے والی اداکارہ اقراء عزیز کو رواں سال گوگل پر ماہرہ خان کے بعد سب سے زیادہ کیا گیا۔اقراء عزیز کو سرچ انجن پر ایک ماہ میں ایک لاکھ 89 ہزار مرتبہ سرچ کیا گیا ہے۔
ڈرامہ سیریل عہد وفا میں جلو گر ہونے والی نوجوان اداکارہ علیزے شاہ گوگل پر سب سے زیادہ سرچ کی جانے والی اداکاراؤں کی فہرست میں تیسرے نمبر پر ہیں جنہیں ایک ماہ میں ایک لاکھ 80 ہزار مرتبہ سرچ کیا گیا۔
ڈرامہ سیریل میرے پاس تم ہو سے مقبولیت میں اضافے کے بعد اداکارہ عائزہ خان گوگل پر سب سے زیادہ سرچ کی جانے والی اداکاراؤں میں چوتھے نمبر پر ہیں ایک ماہ میں ایک لاکھ 48 ہزار مرتبہ سرچ کیا گیا ہے۔
حال ہی میں اپنے یوٹیوب چینل کا آغاز کرنے والی اداکارہ ہانیہ عامر کا نام سب سے زیادہ سرچ کی جانے والی اداکاراؤں کی فہرست میں پانچویں نمبر ہے جنہیں ایک ماہ میں ایک لاکھ 28 ہزار بار سرچ کیا گیا۔
ڈرامہ سیریل چیخ سے شہرت میں اضافے کے بعد اداکارہ صبا قمر گوگل پر سب سے زیادہ سرچ کی جانے والی اداکاراؤں کی فہرست میں چھٹے نمبر پر ہیں جنہیں ایک ماہ میں ایک لاکھ 22 ہزار بار سرچ کیا گیا ہے۔
پاکستان میں سوشل میڈیا پر سب سے زیادہ فالو کی جانے والی اداکارہ ایمن خان بھی پاکستان میں سب سے زیادہ سرچ کی جانے والی اداکاراؤں کی فہرست میں ساتویں نمبر پر موجود ہیں جنہیں ایک ماہ میں 1 لاکھ 21 ہزار بار سرچ کیا گیا۔
حال ہی میں شادی کے بندھن میں بندھنے والی خوبرو اداکارہ سجل علی گوگل پر سب سے زیادہ سرچ کی جانے والی اداکاراؤں کی فہرست میں آٹھویں نمبر پر موجود ہیں جنہیں ایک ماہ میں ایک لاکھ 14 ہزار بار سرچ کیا گیا۔
ڈرامہ سیریل دو بول اور میرے پاس تم ہو سے شہرت پانے والی اداکارہ حرا مانی بھی گوگل پر سب سے زیادہ سرچ کی جانے والی اداکاراؤں کی فہرست میں شامل ہیں جنہیں ایک ماہ میں 93 ہزار 900 بار سرچ کیا گیا ہے۔
ڈرامہ سیریل رسوائی میں بہترین اداکاری کے جوہر دکھانے والی اداکارہ ثناء جاوید بھی گوگل پر سب سے زیادہ سرچ کی جانے والی اداکاراؤں میں سے ایک ہیں جنہیں ایک ماہ میں 89 ہزار بار سرچ کیا گیا۔